(ខេត្តព្រះវិហារ)៖ រយៈពេល៤ថ្ងៃ នាឱកាសបុណ្យចូលឆ្នាំថ្មីប្រពៃណីជាតិ ចាប់ពីថ្ងៃទី១៣-១៦ ខែមេសា ឆ្នាំ២០២៤ រមណីយដ្ឋានប្រាសាទព្រះវិហារ និងប្រាសាទកោះកេរ ទាក់ទាញបានភ្ញៀវទេសចរសរុប ២ម៉ឺន៤ពាន់៤៤៤នាក់។ នេះបើតាមសេចក្តីប្រកាសព័ត៌មាន របស់អាជ្ញាធរជាតិព្រះវិហារ ។(សូមចុចបើក Link ទស្សនាព័ត៌មានពិស្ដារ)៖https://youtu.be/13dAz9t5pcc
All posts by មេគង្គ ប៉ុស្តិ៍
រយៈពេលបីថ្ងៃចូលឆ្នាំភ្ញៀវជាតិនិងអន្តរជាតិនាំគ្នាមកលេងខេត្តកំពង់ចាមច្រើនជាងបណ្ដាខេត្តនិងរាជធានីផ្សេងទៀត
(ខេត្តកំពង់ចាម)៖ប្រធានមន្ទីរទេសចរណ៍ខេត្តកំពង់ចាម លោកស៊ាន សុគុណ បានឲ្យដឹងនារសៀលថ្ងៃទី១៦មេសាថា: ពីមួយឆ្នាំទៅមួយឆ្នាំក្រោមការដឹកនាំរបស់ឯកឧត្តមអភិបាលខេត្ត ព្រមទាំងអភិបាលរងខេត្តអង្គភាពពាក់ព័ន្ធជុំវិញខេត្ត បានរៀបចំពិធីបុណ្យចូលឆ្នាំថ្មីប្រពៃណីជាតិខ្មែរក្នុងនោះឲ្យមានលេងល្បែងប្រជាស្ត្រីដូចជាបងអង្គុញចោលឈូង ទាញព្រ័ត្រ វាយក្អមឡើងសរសរខ្លាញ់…គឺកាន់តែមានភាពប្លែកៗរាល់ឆ្នាំតែម្ដង។
សូមចុចទីនេះដើម្បីទស្សនាព័ត៌មានពិស្ដារ ៖https://youtu.be/lM4y4C776HA
សង្ក្រាន្តឆ្នាំថ្មីរយៈពេល៤ថ្ងៃនៅស្វាយរៀងភ្ញៀវទេសចរនិងប្រជាពលរដ្ឋមកកម្សាន្តជាងកន្លះលាននាក់
(ខេត្តស្វាយរៀង)៖ក្នុងឱកាសចូលឆ្នាំថ្មីប្រពៃណីជាតិខ្មែរ រយៈពេល៤ថ្ងៃនេះមានភ្ញៀវទេសចរនិង ប្រជាពលរដ្ឋ មកលេងកម្សាន្តនៅសង្ក្រាន្តស្វាយរៀងចំនួនរហូតដល់៥៤ម៉ឺន៣ពាន់៦៩៥នាក់។
សូមចុចទីនេះដើម្បីទស្សនាព័ត៌មានពិស្ដារ ៖https://youtu.be/EPTG25YvT3A
សង្រ្កាន្តឆ្នាំថ្មីរយៈពេល៤ថ្ងៃ នៅខេត្តបន្ទាយមានជ័យប្រព្រឹត្តទៅល្អប្រសើរ
(ខេត្តបន្ទាយមានជ័យ)៖រយៈពេល៤ថ្ងៃ នៃពិធីបុណ្យចូលឆ្នាំថ្មី ប្រពៃណីជាតិ សភាពការណ៍សន្តិសុខ សណ្តាប់ធ្នាប់សង្គម ពុំមានអ្វីគួរឲ្យកត់សម្គាល់ ទន្ទឹមនោះកងកម្លាំងសមត្ថកិច្ចនគរបាល បានសហការជាមួយកម្លាំងកងរាជអាវុធហត្ថ កម្លាំងយោធា និងសមត្ថកិច្ចផ្សេងៗទៀត រក្សាសន្តិសុខ សុវត្ថិភាព និងសម្រួលសណ្តាប់ធ្នាប់ចរាចរណ៍តាមដងផ្លូវសំខាន់ៗ ជូនថ្នាក់ដឹកនាំជាន់ខ្ពស់ បណ្តាឥស្សរជនសំខាន់ៗ មន្ត្រីរាជការ និងប្រជាពលរដ្ឋដែលបានអញ្ជើញទៅតាមវត្តអារាម រមណីយដ្ឋាននានា និងការធ្វើដំណើរកំសាន្តក្នុងភូមិសាស្រ្តខេត្ត ប្រកបដោយសុវត្ថិភាពល្អប្រសើរ ។
សូមចុចទីនេះដើម្បីទស្សនាព័ត៌មានពិស្ដារ ៖https://youtu.be/wES3MYMobEQ
សម្តេចធិបតី នឹងចូលរួមថ្លែងសុន្ទរកថាក្នុងសន្និបាតរបស់គណៈកម្មការសេដ្ឋកិច្ចនិងសង្គមកិច្ចអាស៊ី-ប៉ាស៊ីហ្វិក
(ប្រទេសថៃ)៖សម្ដេចនាយករដ្ឋមន្ត្រី ហ៊ុន ម៉ាណែត នឹងអញ្ជើញទៅទីក្រុងបាងកក ដើម្បីចូលរួមថ្លែងសុន្ទរកថា ពិសេសនៅក្នុងពិធីបើកសន្និបាតលើកទី៨០ របស់គណៈកម្មការសេដ្ឋកិច្ច និងសង្គមកិច្ចសម្រាប់អាស៊ី-ប៉ាស៊ីហ្វិក។
សូមចុចទីនេះដើម្បីទស្សនាព័ត៌មានពិស្ដារ ៖https://youtu.be/sDC9PqW5Tf0
ពលរដ្ឋនៅកំពង់ត្រាចចោទថាក្រុមហ៊ុនបូមទឹកកខ្វក់ឲ្យពួកគាត់ប្រើប្រាស់
(ខេត្តកំពត)៖ប្រជាពលរដ្ឋជាអ្នកប្រើប្រាស់ទឹកស្អាតរបស់ក្រុមហ៊ុនឯកជនមួយនៅស្រុកកំពង់ត្រាចកំពុងផ្ទុះការរិះគន់និងបង្ហោះតាមបណ្ដាញសង្គមយ៉ាងផុលផុសជាបន្តបន្ទាប់។ដោយសារតែក្រុមហ៊ុនផលឹតទឹកស្អាតមួយនេះបូមទឹកលក់ឲ្យពលរដ្ឋនៅផ្សារស្រុកកំពង់ត្រាចខេត្តកំពតមិនបានគ្រប់គ្រាន់តាមតម្រូវការ។ ប្រជាពលរដ្ឋថាជាពិសេសគឺក្រុមហ៊ុនបានបូមទឹកបាតព្រែកដែលគ្មានអនាម័យយកមកឲ្យពលរដ្ឋប្រើមិនកើត។
លោក កុង គៀត ជាអ្នកលក់កាហ្វេនៅផ្សារកំពង់ត្រាចបាននិយាយកាលពីព្រឹកថ្ងៃទី១៧ មេសា ឆ្នាំ២០២៤នេះថាទឹកស្អាតមានតែឈ្មោះស្អាតទេ។តែប្រើមិនកើតដោយសារតែទឹកនោះហូរតិចៗហើយកខ្វក់ និងមានក្លិនស្អុយទៀតផង។រីឯចែសុភ័ក្ត្រនៅភូមិកំពង់ត្រាចទី១និងជាអ្នកលក់គ្រឿងទេសនិយាយកាលពីព្រឹកថ្ងៃទី១៧មេសានេះដែរថាគាត់បានបង្ហោះតាមបណ្ដាញសង្គមនេះជាច្រើនដងហើយពីរឿងទឹកកខ្វក់របស់ក្រុមហ៊ុនទឹកស្អាតបានបូមទឹកបាតព្រែកឲ្យពលរដ្ឋប្រើ។ចែសុភ័ក្ត្រនិយាយប្រាប់បន្តថាការបង្ហោះតាមបណ្ដាញសង្គមរឿងបូមទឹកកខ្វក់ឲ្យប្រជាពលរដ្ឋប្រើមិនឃើញអាជ្ញាធរមកហៅប្រជាពល រដ្ឋនិងក្រុមហ៊ុនទៅធ្វើការដោះស្រាយទេឥឡូវនេះនាងឈប់និយាយហើយ។
កាលពីព្រឹកថ្ងៃទី១៧ មេសានេះលោក ក្លឹង សី ជាបុគ្គលិកក្រុមហ៊ុនទឹកស្អាតនិយាយថាក្នុងខែប្រាំងនេះពិតជាមានការខ្វះទឹកប្រើប្រាស់បន្តិចមែន។តែចាំមើលបន្តិចទៀតសិនបើខ្វះខាតទឹកមែនខាងក្រុមហ៊ុននិងមានការពិភាក្សារកដំណោះស្រាយជួនបងប្អូនប្រជាពលរដ្ឋ។លោកក្លឹងសីនិយាយប្រាប់បន្តថាចំណែកការបង្ហោះរបស់ម្ចាស់ហ្វេសប៊ុកមួយដែលជាអ្នកប្រើប្រាស់ទឹកស្អាតនៅភូមិទី១នៅផ្សារកំពង់ត្រាចស្រែកថាទឹកកខ្វក់នោះ។ខាងតំណាងក្រុមហ៊ុនបានចុះទៅពិនិត្យផ្ទាល់ហើយគឺទុយយោទឹកនោះគ្រាន់តែតភ្ជាប់ទុយយោទឹកស្អាតតែគាត់ជាម្ចាស់ផ្ទះមិនបានប្រើប្រាស់ទេ។លុះពេលដែលគាត់បើកប្រើស្រាប់តែបាតទុយយោចេញកំអែលចាស់តែបើគាត់បើកចោលមួយធុងពីរធុងទៅគឺថ្លាធម្មតាវិញហើយ។
ទោះជាបែបណាក៏ប្រជាពលរដ្ឋនិយាយថាបើខ្វះខាតទឹកមែនគួរតែប្រាប់ដល់ពលរដ្ឋដែលជាប្រើទឹក។ព្រោះក្រុមហ៊ុននេះទាំងទឹកទាំងភ្លើងបើអ្នកប្រើប្រាស់យឺតយ៉ាវមិនបានទៅបង់ប្រាក់សេវាលើសតែមួយថ្ងៃគឺពិន័យមួយម៉ឺនរៀល។ហើយពលរដ្ឋជាច្រើនបានឲ្យដឹងថា ពួកគាត់ក៏មានគម្រោងធ្វើការតវ៉ារឿងការពិន័យរបស់ក្រុមហ៊ុននេះផងដែរ៕
(សូមចុចបើក Link ដើម្បីទស្សនាព័ត៌មានពិស្ដារ)៖https://youtu.be/JBmWc2fQi9A
រយៈពេល៤ថ្ងៃមនុស្សស្លាប់៣៧នាក់ដោយសារគ្រោះថ្នាក់ចរាចរណ៍នៅទូទាំងប្រទេស
(អគ្គស្នងការដ្ឋាននគរបាលជាតិ)៖មនុស្សសរុបចំនួន៣៧នាក់បានស្លាប់ និង៨៨នាក់បានរងរបួស ដោយសារករណីគ្រោះថ្នាក់ចរាចរណ៍សរុបចំនួន៦៤ករណីនៅទូទាំងប្រទេស ក្នុងឱកាសបុណ្យចូលឆ្នាំថ្មីប្រពៃណីជាតិរយៈពេល៤ថ្ងៃ ចាប់ពីថ្ងៃទី១៣ដល់១៦ ខែមេសា ឆ្នាំ២០២៤។ នេះបើតាមរបាយការណ៍របស់អគ្គស្នងការដ្ឋាននគរបាលជាតិ។
សូមចុចទីនេះដើម្បីទស្សនាព័ត៌មានពិស្ដារ ៖https://youtu.be/4X3WB9Mjqwo
លោក មុំ អស្សនី និងភរិយា ថ្លែងអំណរគុណសម្តេចតេជោ ហ៊ុន សែន ដែលបានអភ័យទោសដល់ក្រុមគ្រួសាររបស់ខ្លួន
(ញូស៊ីលែន)៖ លោក មុំ អស្សនី និងភរិយា ថ្លែងអំណរគុណសម្តេចតេជោ ហ៊ុន សែន ដែលបានអភ័យទោសដល់ក្រុមគ្រួសាររបស់ខ្លួន និងសន្យាចូលរួមបម្រើជាតិជាមួយរាជរដ្ឋាភិបាល។
សូមចុចទីនេះដើម្បីទស្សនាព័ត៌មានពិស្ដារ ៖https://youtu.be/Ek2-u93fCV4
សារសម្លេងសម្តេចតេជោ ហ៊ុន សែន ផ្ញើជូនលោក មុំ អស្សនី ដែលជេរនិងប្រមាថ
(ភ្នំពេញ)៖ នៅព្រឹកថ្ងៃទី១៧ ខែមេសា ឆ្នាំ២០២៤នេះ សម្តេចតេជោ ហ៊ុន សែន ប្រធានព្រឹទ្ធសភា និងជាប្រធានគណបក្សប្រជាជនកម្ពុជា បានផ្ញើសារសម្លេងជូនលោក មុំ អស្សនី ដែលជេរប្រមាថសម្តេច បន្ទាប់ពីលោកទទួលស្គាល់កំហុសនិងសូមទោស។សម្តេចតេជោ ហ៊ុន សែន បានប្រកាសស្វាគមន៍លោក មុំ អស្សនី និងក្រុមគ្រួសារមកលេងស្រុកកំណើត។
សូមចុចទីនេះដើម្បីទស្សនាព័ត៌មានពិស្ដារ ៖https://youtu.be/cHlMAHpfrf0
លោក មុំ អស្សនី សូមការអភ័យទោសពីសម្តេចតេជោ ហ៊ុន សែន
(ញូស៊ីលែន)៖លោក មុំ អស្សនី ដែលធ្លាប់បានជេរប្រមាថសម្តេចតេជោ ហ៊ុន សែន កាលពីពេលកន្លងទៅបានបង្ហោះជាវីដេអូសូមទោសទៅកាន់សម្តេច និងទទួលស្គាល់កំហុសរបស់លោក។
សូមចុចទីនេះដើម្បីទស្សនាព័ត៌មានពិស្ដារ ៖https://youtu.be/VIAHWqyrWEk
ខ្មែរនៅអូស្ត្រាលីពីរនាក់ប្តីប្រពន្ធ ដែលធ្លាប់ជេរប្រមាថសម្តេចតេជោ ហ៊ុន សែន ភ្ញាក់រលឹកស្តាយកំហុស សូមទោសកំហុសឆ្គង, សម្តេចតេជោ មិនប្រកាន់ទោសស្វាគមន៍មកលេងស្រុកដោយក្តីរីករាយ។
(ភ្នំពេញ)៖ ខ្មែរនៅអូស្ត្រាលីពីរនាក់ប្តីប្រពន្ធ ដែលធ្លាប់ជេរប្រមាថសម្តេចតេជោ ហ៊ុន សែន និងរាជរដ្ឋាភិបាល មិនប្រណីមាត់នោះ បានភ្ញាក់រលឹកនឹកស្តាយកំហុសរបស់ខ្លួន ហើយសូមទោស សម្តេចតេជោ ហ៊ុន សែន ប្រធានព្រឹទ្ធសភា ចំពោះកំហុសឆ្គងរបស់ខ្លួននាពេលកន្លងមក។
ខ្មែរនៅអូស្ត្រាលីពីរនាក់ប្តីប្រពន្ធ គឺលោក ស៊ុត សារ៉េត និងលោកស្រី ម៉ៅ សាវឿន ជាអ្នកដែលធ្លាប់ជេរប្រមាថសម្តេចតេជោ ហ៊ុន សែន និងរាជរដ្ឋាភិបាល ដោយមិនសំចៃមាត់នោះឡើយ។
នៅថ្ងៃនេះខ្មែរនៅអូស្ត្រាលីពីរនាក់ប្តីប្រពន្ធនេះ បានចេញវីដេអូសូមទោសសម្តេចតេជោ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន និងសម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជាផងដែរ។
ជាមួយនឹងការសូមទោសខ្មែរនៅអូស្ត្រាលីទាំងពីររូបនេះ បានសម្តែងការសោកស្តាយជាខ្លាំងចំពោះកំហុសឆ្គងនាពេលកន្លងមក។
ក្រោយទទួលបានវីដេអូសូមទោសនេះ សម្តេចតេជោ ហ៊ុន សែន មេដឹកនាំដែលមានក្តីសណ្តោសប្រណី និងមិនដែលយកខ្មែររូបណាជាសត្រូវនោះ បានប្រកាសស្វាគមន៍ដោយរីករាយចំពោះការភ្ញាក់រលឹករបស់ខ្មែរនៅអូស្ត្រាលីពីរនាក់ប្តីប្រពន្ធនេះ។
សម្តេចតេជោ ហ៊ុន សែន បានអញ្ជើញខ្មែរពីរនាក់ប្តីប្រពន្ធនេះមកលេងខ្មែរ ហើយធ្វើដំណើរទៅតាមព្រំដែនទាំងព្រំដែនជាមួយថៃ វៀតណាម និងឡាវ ដើម្បីយល់ពីសភាពពិតនៅតាមព្រំដែនខ្មែរជាមួយប្រទេសដទៃ។(សូមចុចបើក Link ទស្សនានិងស្ដាប់សម្លេងពិស្ដារ)៖https://youtu.be/ipZyVJ44V0k
សម្តេចតេជោ ហ៊ុន សែន ប្រកាសស្វាគមន៍ខ្មែរនៅអូស្ត្រាលី ដែលធ្លាប់ជេរសម្តេច និងបញ្ជាក់ពីគុណប្រយោជន៍មហាសាលព្រែកជីកហ្វូណន-តេជោ
នៅថ្ងៃចន្ទ ទី១៥ ខែមេសា ឆ្នាំ២០២៤ ដែលត្រូវថ្ងៃទី៣នៃពិធីបុណ្យចូលឆ្នាំថ្មីប្រពៃណីជាតិខ្មែរនេះ សម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្រ្តីនៃព្រះរាជាណាចក្រកម្ពុជា បានថ្លែងនូវសារពិសេសមួយប្រកាសស្វាគមន៍ខ្មែរនៅអូស្ត្រាលី ដែលធ្លាប់ជេរសម្តេច និងបញ្ជាក់ពីគុណប្រយោជន៍មហាសាលព្រែកជីកហ្វូណន-តេជោ។
សូមចុចទីនេះដើម្បីទស្សនាព័ត៌មានពិស្ដារ៖https://youtu.be/6wIQVcmAbmc
ជនជាតិដើមភាគតិចនៅខេត្តមណ្ឌលគិរីរៀបចំសង្ក្រាន្តអបអរឆ្នាំថ្មី
(ខេត្តមណ្ឌលគិរី)៖ជនជាតិដើមភាគតិចខេត្តមណ្ឌលគិរី ដែលភាគច្រើនជាបងប្អូនជនជាតិដើមព្នង បានរួបរួមគ្នារៀបចំសង្ក្រាន្តតាមបែបប្រពៃណីរបស់ពួកគាត់ ដើម្បីអបអរឆ្នាំថ្មីជាមួយខ្មែរកណ្ដាលយ៉ាងសប្បាយរីករាយ ។
ប្រវត្តិនៃការកកើត វត្តបាឡាត់
(ខេត្តបាត់ដំបង)៖នៅក្នុងខេត្តបាត់ដំបង មានវត្តអារាមជាច្រើនដែលបានកសាងឡើងតាំងពីរាប់រយឆ្នាំមកហើយ។វត្តអារាមទាំងនោះបានក្លាយទៅជាទីតាំងទេសចរណ៍បែបពុទ្ធសាសនាដ៏ពេញនិយមសម្រាប់អ្នកទេសចរណ៍ជាតិ និងអន្តរជាតិគ្រប់រូបដែលបានមកទស្សនាខេត្តបាត់ដំបង ។
ក្នុងចំណោមអារាមទាំងនោះវត្តបាឡាត់ក៏ជាវត្តដ៏មានវ័យចំណាស់មួយក្នុងខេត្ត បាត់ដំបងផងដែរ។លោកអ្នកចង់ដឹងទេពីប្រវត្តិដើមដែលនាំឲ្យវត្តមួយនេះមានឈ្មោះថា វត្តបាឡាត់ នោះ។
វត្តបាឡាត់ មានទីតាំងស្ថិតនៅមាត់ច្រាំងដងស្ទឹងសង្កែត្រើយខាងកើត និងមានចម្ងាយប្រមាណ៣គីឡូម៉ែត្រពីទីក្រុងបាត់ដំបង។ តាមឯកសារសៀវភៅប្រវត្តិខេត្តបាត់ដំបងសម័យលោកម្ចាស់របស់លោក តូច ឈួង បានសរសេរថាអ្នកផ្តើមកសាងវត្តបាឡាត់ គឺជាមន្រ្តីក្រមការនៅក្រុងបាត់ដំបងមួយរូប ឈ្មោះលោកបាឡាត់ រស់។លោកកសាងវត្តនេះឡើងដើម្បីលាបំណន់ ក្នុងគ្រាដែលពួកអាណ្ណាមចាប់ខ្លួនលោក និងក្រុមគ្រួសារ យកទៅឃុំទុកនៅក្រុងវ៉េ អស់រយៈពេល ១០ឆ្នាំនោះ។ នៅក្រុងវ៉េ លោកបាឡាត់រស់ បានបន់ស្រន់ព្រះរតនត្រៃសូមជួយលោកនិងក្រុមគ្រួសារឲ្យបានត្រលប់មកស្រុកខ្មែរវិញ។ លោកបាឡាត់បានបន់ស្រន់ថា នឹងកសាងវត្តមួយដើម្បីតបស្នងសងគុណព្រះរតនត្រៃ។
ក្រោយពេលដែលមានសេរីភាព និងបានវិលត្រឡប់ទៅដល់ទឹកដីកំណើតវិញ, លោកបាឡាត់ រស់ ក៏បានកសាងអារាមបាឡាត់នេះឡើង។ហើយអ្នកស្រុកក៏ហៅវត្តនេះថា វត្តបាឡាត់ៗ ជាប់រហូតមក។ ឯកាលបរិច្ឆេទនៃការកកើតទីអារាមនេះ ក្នុងឯកសាររបស់លោក តូច ឈួង មិនបានបញ្ជាក់ច្បាស់លាស់ទេ។ ប៉ុន្តែ បើយោងតាមឯកសារប្រវត្តិសាស្ត្រ ព្រឹត្តិការណ៍ពួកអាណ្ណាមចាប់លោកបាឡាត់ រស់ ទៅឃុំទុកនៅក្រុងវ៉េ កើតឡើងក្នុងរវាងទសវត្សរ៍ឆ្នាំមួយពាន់ប្រាំបីរយប្លាយ ។តែបើតាមឯកសារដែលបានចារទុកនៅក្នុងវត្តបាឡាត់នោះបង្ហាញថា វត្តបាឡាត់ត្រូវបានកសាងឡើងឆ្នាំ ១៨៤៥ ដោយលោកបាឡាត់ឈ្មោះ រស់ ។
អ្នកយកព័ត៌មាន មេគង្គប៉ុស្ដ បានទៅដល់អារាមនេះផ្ទាល់ ឃើញព្រះវិហារវត្ត បាឡាត់ សង់នៅលើខឿនថ្ម និងមានរាងរៅស្រដៀងគ្នានឹងព្រះវិហារចាស់នៅវត្តកែវដែរ។ នៅពាក់កណ្តាលជញ្ជាំងព្រះវិហារប៉ែកខាងលិច មានព្រះពុទ្ធបដិមាមួយអង្គដ៏ស្អាតសោភាតំកល់នៅលើទីខ្ពស់មួយ។ នៅជាប់នឹងខឿនព្រះវិហារប៉ែកខាងលិច គឺជាសាលាបុណ្យ ដែលបានសង់ថ្មីជំនួសសាលាបុណ្យចាស់ដែលសង់ទាប និងចាស់ណាស់ទៅហើយនោះ។
ព្រះគ្រូចៅអធិការវត្តបាឡាត់ជំនាន់ទី១២ ព្រះនាម សៀន សាន បានមានថេរដិកា ប្រាប់អ្នកយកព័ត៌មានមេគង្គប៉ុស្ដិ៍ថា បច្ចុប្បន្ន ព្រះវិហារវត្តបាឡាត់កំពុងទទួលការជួសជុលកែលម្អឡើងវិញនូវចំណុចខ្លះដែលរងការខូខាតដោយ សារអាយុកាលដ៏យូរលង់របស់ព្រះវិហារនេះ។ ព្រះអង្គមានថេរដិកាបញ្ជាក់ថា នៅហោជាងខាងលិចមានបញ្ជាក់ប្រាប់ពី គ.ស១៩៣៤ នោះគឺជាពេលវេលានៃការ
កសាងព្រះវិហារទី២។គឺព្រះវិហារសព្វថ្ងៃដែលបានកសាងជំនាន់លោកគ្រូចៅ អធិការទី៦ ព្រះនាម ហ៊ីង ។តាមពិតវត្តបាឡាត់ចាប់ពីកសាង១៨៤៥ ដែលមកទល់នឹងសព្វថ្ងៃនេះគឺមានអាយុកាល១៧៩ឆ្នាំមកហើយ។
សូមបញ្ជាក់ថា មកទល់បច្ចុប្បន្ន វត្តបាឡាត់មានចៅអធិការចំនួន១២ អង្គបានបន្តវេនគ្រប់គ្រងអារាមមួយនេះ៕សូមចុចបើកLink ដើម្បីទស្សនាព័ត៌មានពិស្ដារ( https://youtu.be/tLWVtd7KIgw)
រាជរដ្ឋាភិបាលផ្ដល់អំពូលសូឡា១ពាន់ដើម ដល់ឃុំកោះសូទិនដើម្បីបំភ្លឺតាមដងផ្លូវ
(ខេត្តកំពង់ចាម)៖សម្ដេចមហាបវរធិបតីហ៊ុន ម៉ាណែត នាយករដ្ឋមន្ត្រី បានផ្ដល់អំពូលសូឡាចំនួន១ពាន់ដើមដែលមានតម្លៃស្មើនឹង៦ម៉ឺនដុល្លារ តាមរយៈក្រុមការងារគណបក្សប្រជាជនកម្ពុជា សម្រាប់បំពាក់តាមដងផ្លូវនានាទាំង១៥ភូមិ នៅក្នុងឃុំកោះសូទិនស្រុកកោះសូទិន ។
សូមចុចទីនេះដើម្បីទស្សនាព័ត៌មានពិស្ដារ៖https://youtu.be/YbG8VgCkGJ4