ខេត្តកំពត ៖ ម៉ូតូសង់បើកបុកគោយន្ត ខណៈគោយន្តកន្ត្រៃបើកបត់ គ្មានដឹងឆ្វេងស្តាំ បណ្តាលឲ្យអ្នក បើកម៉ូតូរង របួសធ្ងន់ បាក់ដៃខាងឆ្វេង កាលពីវេលាម៉ោង៥ល្ងាច ថ្ងៃទី៦ ខែមករា ឆ្នាំ២០១៦ ចំណុច ចន្លោះបង្គោល៦១ លើកំណាត់ផ្លូវជាតិលេខ៤១ ស្ថិតក្នុងភូមិស្រែចែង ឃុំស្រែចែង ស្រុកជុំគីរី។
សមត្តកិច្ចចរាចរណ៍ស្រុកជុំគីរី បានប្រាប់ឲ្យមដឹងថា ជនរងគ្រោះបើកម៉ូតូ ម៉ាកសង់សេ១២៥ ពណ៌ខ្មៅ ពាក់ស្លាកលេខ កំពង់ស្ពឺ 1C-5874 មានឈ្មោះសែ ជុំ ភេទប្រុស អាយុ២១ឆ្នាំ រស់នៅភូមិគោកកណ្តាល ឃុំផុង ស្រុកបរសែត ខេត្តកំពង់ស្ពឺ(របួសធ្ងន់ និងបាក់ដៃខាងឆ្វេង)។ ចំណែកអ្នក បើកបរគោយន្តកន្ត្រៃ ឈ្មោះលន់ វីរៈ ភេទប្រុស អាយុ២០ឆ្នាំ រស់នៅភូមិ ឃុំកើតហេតុខាងលើ (មិនរង គ្រោះអ្វីឡើយ)។ មន្ត្រីនគរបាលដដែលបន្តថាម៉ូតូបើកបរពីក្រោយគោយន្តកន្ត្រៃក្នុងទិសដៅស្របគ្នាពីត្បូងទៅជើងលុះមកដល់កន្លែងកើតហេតុគោយន្តដែលបើកពីខាងមុខ បានបត់មកខាងឆ្វេងដៃដោយមិនមើលឆ្វេងស្តាំក៏បណ្តាលឲ្យខាងម៉ូតូបុក បណ្តាលឲ្យជួបគ្រោះថ្នាក់បែបនេះតែម្តងទៅ ។
ក្រោយហេតុការណ៍ភ្លាមជនរងគ្រោះដែលជិះម៉ូតូត្រូវគេដឹកនាំយកទៅព្យាបាលនៅពេទ្យឯខេត្តតាកែវ។ ដោយឡែក វត្ថុតាង ម៉ូតូ និងគោយន្ត កំពុងតែរក្សាទុកនៅឯអធិការដ្ឋាននគរបាលស្រុកជុំគីរី ដើម្បីដោះស្រាយ គ្នាទៅថ្ងៃក្រោយ ៕ដោយះអ៊ួង វឹង
