ភ្នំពេញ៖រថយន្តឡិចស៊ីសRX350ស៊េរីទំនើបមួយគ្រឿងបានរងការខូចខាតខ្ទេចមួយកំណាត់មុខដោយសារតែបុរសម្នាក់បើកបរក្នុងស្ថានភាពស្រវឹងស្រាជោកជាំទៅបុករបាំងថ្មពុះចែកទ្រូងផ្លូវបាក់អស់២កង់បើកទៅមុខលែងរួច។
ហេតុការណ៍នេះបានកើតឡើងនៅវេលាម៉ោង៥ ទៀបភ្លឺ ថ្ងែ១១ ខែមករា ឆ្នាំ២០១៦ តាមបណ្ដោយផ្លូវលេខ២១៥ ស្ថិតក្នុងសង្កាត់វាល់វង់ ខណ្ឌ៧មករា ចំណុចកើតហេតុទល់មុខនឹងសាលាWorld Bes។
តាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុគេឃើញបុរសម្នាក់បើករថយន្តឡិចស៊ីសRX350ស៊េរីទំនើបមួយគ្រឿង ពណ៌សដែលមានពាក់ ស្លាកលេខភ្នំពេញ2AW-6667បើកក្នុងស្ថានភាពស្រវឹងជោកជាំ ទិសដៅពីត្បូងទៅជើង រួចបានបើកបោះពួយយ៉ាងលឿន ខណៈមកដល់ត្រង់ចំណុចកើតហេតុទល់មុខនឹងសាលាWorld Besក៏បុកនឹងរបាំងថ្មពុះជែកទ្រូងផ្លូវបាក់អស់ចំនួន២កង់នឹងបណ្ដាលរថយន្ត ខ្ទេចមួយកំណាត់មុខបើកទៅមុខលែងរួច បន្ទាប់មកម្ចាស់រថយន្តឡិចស៊ីសខាងលើ បានបើកទ្វាររថយន្តរួចរត់គេចខ្លួនបន្សល់ទុកតែរថយន្តនៅក្នលែងកើតហេតុ។
ក្រោយពេលកើតហេតុ សមត្ថកិច្ចចរាចរជំនាញបានចុះមកធ្វើការវាស់វែងយករថយន្តឡិចស៊ីសខាងលើទៅរក្សាទុកនៅការីយាល័យនៃសង្នការដ្ឋានចរាចរណ៍ជើងគោក ដើម្បីរង់ចាំម្ចាស់រថយន្តចូលខ្លួនមកធ្វើការដោះស្រាយទៅតាមផ្លូវច្បាប់៕ដោយ៖រដ្ឋា
