អ៊ីរ៉ាក់៖កងកម្លាំងសន្តិសុខអ៊ីរ៉ាក់ និងក្រុមសម្ព័ន្ធស៊ុននីបានចាប់ផ្ដើមប្រតិបត្តិការលាងសម្អាតក្រុមសកម្មប្រយុទ្ធអ៊ីស្លាម ISIS នៅស្រុក Soufiyah ស្ថិតនៅភាគខាងកើតទីក្រុងរ៉ាម៉ាឌីប្រមាណ១១០គីឡូម៉ែត្រ ស្ថិតនៅភាគខាងលិចនៃរដ្ឋធានីបាដាដ ប្រទេសអ៊ីរ៉ាក់។
កងកម្លាំងសន្តិសុខអ៊ីរ៉ាក់កាលពីថ្ងៃទី១០មករាបានបន្តប្រយុទ្ធប្រឆាំងនឹងរដ្ឋអ៊ីស្លាមISនៅតំបន់ថ្មីស្ថិតទីក្រុងរ៉ាម៉ា ឌី នៃភាគខាងលិចខេត្តAnbar។ កងទ័ពអ៊ីរ៉ាក់ថា ក្រុមអ៊ីស្លាមIS ប្រមាណជាង២០នាក់បានស្លាប់បាត់បង់ជីវិត ដោយសារកងទ័ពខ្លួនវាយប្រហារនៅទីនោះ។ ទន្ទឹមនោះកងទ័ពអ៊ីរ៉ាក់បានប្ដេជ្ញាថា ខ្លួននៅតែពុះពារកម្ទេចក្រុមអ៊ីស្លាមISរហូតរដ្ឋាភិបាលកាន់កាប់ ទឹកដីមកវិញ។
ពាក់ព័ន្ធនឹងបញ្ហានេះ នាយករដ្ឋមន្ត្រីអ៊ីរ៉ាក់ លោក Haider al-Abadi បានថ្លែងថា នឹងកម្ចាត់ក្រុមអ៊ីស្លាមISIS ដើម្បីរដ្ឋាភិបាលអ៊ីរ៉ាក់ដណ្ដើមតំបន់មួយចំនួនពីការគ្រប់គ្រងរបស់ពួកឧទ្ទាមមកវិញ៕
