ចោរលួចរថយន្តភ្នាក់ងារព័ត៌មាន AP ទាំងកណ្តាលរាត្រី
ភ្នំពេញ៖ អ្នកថតរូបឱ្យទីភ្នាក់ងារព័ត៌មាន AP លោក ហេង ស៊ីនិត ត្រូវបានចោរលួចរថយន្តមួយគ្រឿង កាលពីរាត្រី ថ្ងៃទី១០ ខែតុលាឆ្នាំ២០១៤ ខណៈដែលលោកចតទុកនៅមុខផ្ទះរបស់ខ្លួន លេខ៤៤ ផ្លូវC ក្នុងបុរីមួយ ក្នុងតំបន់បឹងឈូក សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ។
បើតាម លោក ហេង ស៊ីនិត រថយន្តនេះ ម៉ាកកាមរី ឆ្នាំ១៩៩២ ពណ៌ស ពាក់ស្លាកលេខ ភព២-១៨៦០។ ពេលនេះ លោកសូមអំពាវនាវឱ្យសមត្ថកិច្ចពាក់ព័ន្ធ ជួយស៊ើបអង្កេត និងតាមចាប់ចោរលួច រថយន្ត ត្រឡប់មកវិញផង៕
រថយន្តរបស់លោក ហេង ស៊ីនិត ពេលចតមុខផ្ទះនាពេលកន្លងមក
លោក ហេង ស៊ីនិត អ្នកថតរូបឲ្យទីភ្នាក់ងារសារព័ត៌មាន AP
