អង់គ្លេស៖ប្រមុខការទូតអាមេរិក លោក ចន ឃ៊ែរី ក្នុងសន្និសីទការសែតមួយកាលពីម្សិលមិញបានធ្វើការអំពាវនាវឲ្យរុស្ស៊ីបញ្ឈប់ការទម្លាក់គ្រាប់បែកលើទឹកដីស៊ីរី និងចោទប្រកាន់ក្រុងមូស្គូពីបទបានធ្វើឲ្យមានភាពរអាក់រអួលនៃកិច្ចចរចាសន្តិភាពស្តីពីប្រទេសស៊ីរី។
ការអំពាវនាវរបស់លោក ចន ឃ៊ែរី ធ្វើឡើង ចំពេលដែលកិច្ចចរចាសន្តិភាពស្តីពីស៊ីរីរៀបចំក្នុងទីក្រុងហ្សឺណែវ ប្រទេសស្វ៊ីសត្រូវបានលើកពេលទៅថ្ងៃទី២៥ កុម្ភៈខាងមុខ និងចំពេលដែលសន្និសីទអន្តរជាតិនៃក្រុមប្រទេសផ្តល់ជំនួយឲ្យស៊ីរី កំពុងរៀបចំក្នុងប្រទេសអង់គ្លេស។
លោកឃ៊ែរីបានរម្លឹកប្រាប់លោកឡារ៉ូសជាថ្មីថា សេចក្តីសម្រេចចិត្តរបស់ក្រុមប្រឹក្សាសន្តិសុខអង្គការសហប្រជាជាតិក្នុង ខែធ្នូកន្លងទៅបានកំណត់ឲ្យមានការឈប់បាញ់ភ្លាមៗដើម្បីអនុញ្ញាត ឲ្យមានការដឹកជញ្ជូនជំនួយទៅកាន់ទីក្រុង និងស្រុកដែលឡោមព័ន្ធបិទខ្ទប់ដោយកម្លាំងទាហានរដ្ឋាភិបាលស៊ីរី។ ក្នុងន័យនេះ លោកឃ៊ែរីបានទាមទារឲ្យរុស្ស៊ីបញ្ឈប់ការទម្លាក់គ្រាប់បែកលើទឹកដីស៊ីរី។ ចំណែក
លោកនាយករដ្ឋមន្ត្រីអង់គ្លេសដាវីដ កាមេរ៉ូនវិញបានអំពាវនាវឲ្យបន្តការងារដើម្បីដំណោះស្រាយ វិបត្តិស៊ីរីតាមផ្លូវនយោបាយ៕
