ដោយ៖ ស សាម
ភ្នំពេញ៖នាវេលាម៉ោង៩ព្រឹកថ្ងៃទី០៥ ខែកុម្ភៈ ឆ្នាំ២០១៦ នៅទីលានចាក់សំរាមជើងឯក ក្នុងសង្កាត់ជើងឯក ខណ្ឌដង្កោ នាយកដ្ឋានប្រឆាំងបទល្មើសសេដ្ឋកិច្ចក្រសួងមហាផ្ទៃសហការជាមួយក្រសួងពាក់ព័ន្ធមួយចំនួនទៀតបានធ្វើការដុតកំទេចកាហ្វេចំនួន២២០៨០គីឡូក្រាម បន្ទាប់ពីរកឃើញថាកាហ្វេ នេះគ្មានជាតិគីមីដែលធ្វើឲ្យប៉ះពាល់ដល់សុខភាពប្រជាពលរដ្ឋមែន ប៉ុន្តែនៅលើសំបកកញ្ចប់កាហ្វេមិនមានបិទស្លាកសញ្ញាស្តង់ដាត្រឹមត្រូវ និងខ្វះពត័មានសំរាប់អតិថិជន។
គួររំលឹកផងដែរថា កាហ្វេចំនួន២២០៨០គីឡូក្រាមត្រូវបាននាយកដ្ឋានប្រឆាំងបទល្មើសសេដ្ឋកិច្ចក្រសួងមហាផ្ទៃចុះទៅដកហូតកាលពីថ្ងៃទី២០ ខែមករា ឆ្នាំ២០១៥ នៅក្នុងសិប្បកម្មផលិតកាហ្វេនៅក្នុងខណ្ឌសែនសុខ កន្លងមកនេះ ដោយសង្ស័យថាកាហ្វេនេះមានជាតិគីមី។ បន្ទាប់ពីដកហូតកាហ្វេយកទៅធ្វើការពិសោធន៍នៅក្រសួងពាណិជ្ជកម្មនិងក្រសួងនាយកដ្ឋានប្រឆាំងបទល្មើសសេកច្ចិក្រសួងមហាផ្ទៃសហកាជាមួយក្រសួងពាក់ព័ន្ធមួយចំនួនបានធ្វើការដុតកំទេចកាហ្វេចំនួន ២២០៨០ គីឡូក្រាម។
តាមការសម្រេចរបស់តុលាការថ្ងៃទី៣០ខែកញ្ញា ឆ្នាំ ២០១៥តាមមេត្រា៦៣នៃច្បាប់ការគ្រប់គ្រងសុវត្តិភាពផលិតផលទំនិញនិងមេត្រា៥៩ នៃច្បាប់ស្តង់ដារកម្ពុជា បានបញ្ជាក់ថាកាហ្វេនេះគ្មានផ្តុកសារជាតិគីមី ដែលប៉ះពាល់ដល់សុខភាពដល់អ្នកប្រើប្រាស់ទេ។ តាមលទ្ធផលពិសោធន៍ខាងកាំកុងត្រូលរបស់ក្រសួងពាណិជ្ជកម្ម មើលឃើញថាគ្មានសារជាតិគីមីធ្វើឲ្យប៉ះពាល់ដល់សុខភាពទេ។ ចំណែកលទ្ធផលពិសោធន៍របស់អគ្គសនាយកដ្ឋានស្តង់ដារកម្ពុជារបស់ក្រសួងឧស្សាហកម្មនិងសិប្បកម្មក៏ដូចគ្នាថាមិនមានជាតិគីមីប៉ះពាល់ដលសុខភាព។ លើសពីនេះទៀតសមត្ថកច្ចិបានបញ្ជូនកាហ្វេនោះទៅបន្តពិសោធន៏នៅក្រៅប្រទេសទៀតផង លទ្ធផលពិសោធន៍ក៏ដូចលទ្ធផលស្ថាប័នក្នុងស្រុកថាគ្មានជាតិគីមីប៉ះពាល់ដល់សុខភាពទេ សូមប្រជាពលរដ្ឋកុំមានការព្រួយបារម្ភអី ។
ប្រជាពលរដ្ឋបានគ្រាំទ្រសមត្ថកិច្ច បានចាត់វិធានការតឹងរឹងចំពោះសិប្បកម្មនេះ ក៏ដូចជាសិប្បកម្មក្នុងស្រុក ជាពិសេសលើម្ហូបអាហារ និងភេសជ្ជៈណាដែលធ្វើឲ្យប៉ះពាល់ដល់សុខភាពរបស់ប្រជាពលរដ្ឋ។ ប្រជាពលរដ្ឋក៏បានលើកឡើងផងដែរ ថាប្រសិនជារកឃើញថាមិនមានសារជាតិគីមីប៉ះពាល់ដល់សុខភាពទេ សមត្ថកច្ចិគួរតែប្រគល់ទំនិញនោះឲ្យម្ចាស់ដើមវិញ មិនគួរយកទៅដុតកំទេចចោល ធ្វើឲ្យម្ចាស់សិប្បកម្មជួប និងការវិបត្តិសេកិច្ចធ្ងន់ធ្ងរ។
គួរកត់សម្គាល់ថា ការគ្រប់គ្រងបទល្មើសសេដ្ឋកិច្ចនៅខ្វះចន្លោះច្រើនណាស់ ។ ចំពោះបទល្មើសខាងលើនេះសមត្ថកិច្ច ឬស្ថាប័នពាក់ព័ន្ធគួរចុះណែនាំចុះកិច្ចសន្យាជាមុន នៅមុនពេលចាត់វិធានការតាមផ្លូវច្បាប់ ៕
