Barcelona ឡើងផ្ដាច់ព្រ័ត្រ Copa del Rey
បាល់ទាត់៖ក្រុមអ្នកមានបុណ្យ Barcelona បានឈានឡើងព្រ័ត្រជាលើកទី៦ ក្នុង៨ឆ្នាំក្នុងពានរង្វាន់Copa del Rey ក្រោយលទ្ធផលស្មើ Valencia ១-១ នាជើងទី២ យប់មិញ ហើយក៏ជាកំណត់ត្រាមួយនៅអេស្ប៉ាញដែរ ពោលគឺលេង២៩ប្រកួតដោយមិនចាញ់សោះ។
ដោយមាន៧គ្រាប់ក្នុងដៃកាលពីជើងទី១ ក្រុមនៅតំបន់ Catalan បានដាក់កីឡាករក្នុងក្រុមបម្រុងស្ទើរទាំងអស់ឲ្យចូលលេង ប៉ុន្តែនៅតែអាចធ្វើបានល្អដដែល។
សរុបលទ្ធផលទាំពិរជើងគឺ៨-១ ធ្វើឲ្យ Barcelona ត្រូវទៅចាំមុននៅវគ្គផ្ដាច់ព្រ័ត្រ ដោយរង់ចាំជួបក្រុមឈ្នះរវាង Sevilla និង Celta Vigo យប់នេះ ខណៈដែលកាលពីជើងទី១ Sevilla បានបំបាក់ Celta ៤-០ផងដែរ៕
