ឆាយ វីរៈ​យុ​ទ្ធ បង្ហាញមុខ​ក្នុង​កម្មវិធី​មនុស្សធម៌​ក្រោយ​លេចឮ​ការរិះគន់​
ដោយ មេគង្គ ប៉ុស្តិ៍ ចេញផ្សាយ​ ថ្ងៃទី 15 February, 2016 ក+ ក-

1986352ដោ​យ៖រតនា​

ភ្នំពេញ​៖ តារាចម្រៀង​លំដាប់​ជួរមុខ​របស់​ផលិតកម្ម​សាន់​ដេ​លោក ឆាយ វីរៈ​យុ​ទ្ឋ បានបង្ហាញ​វត្តមាន​ដ៏​គួរ​ឲ្យ​ភ្ញាក់ផ្អើល​ក្នុង​នៅក្នុង​បរិវេណ​មន្ទីរពេទ្យ​ព្រះ​អង្គឌួង ដើម្បី​ផ្តល់​ឈាម​នា​ថ្ងៃទី​វា​នៃ​ក្តី​ស្រលាញ់​១៤ កុម្ភៈ​។ ការ​លេចមុខ​មាត់​ក្នុង​សកម្មភាព​មនុស្សធម៌​នេះ​កើតមានឡើង​ក្រោយពី​លោក​ទើប​នឹងរង​ការ​រិ​គន់​ពី​អ្នក​ផលិត​កម្មវិធី និង​អ្នកគាំទ្រ​មួយចំនួន​រិះគន់​លោក​រឿង​ទាមទារ​តម្លៃ​ខ្លួន​ខ្ពស់​ពី​ការប្រគុំ​តន្ត្រី​ជួយ​ដល់​មន្ទីរពេទ្យ​គន្ធបុប្ផា កាលពី ខែមករា កន្លងមកនេះ​។

​គេ​ចាំបាន​ថា កាលពី​រាត្រី​ថ្ងៃទី​២៣ ខែមករា ឆ្នាំ​២០១៣ នៅ​ពហុ​កីឡដ្ឋាន​ជាតិ​អូឡាំពិក​មាន​ប្រារព្ធ​ពិធី​ប្រកួត​បាត់​ទាត់​មិត្តភាព​កម្ពុជា​ថៃ ដើម្បី​អបអរ​ខួប​ទី​៦៥​ឆ្នាំ​នៃ​ទំនាក់ទំនង​ការទូត​កម្ពុជា​ថៃ​។ ក្នុងនោះ​សំបុត្រ​ដែល​ដាក់លក់​ទាំងអស់​នឹងត្រូវ​ប្រគល់ជូន​ដល់​មន្ទីរពេទ្យ​គន្ធបុប្ផា ដែល​ជាមួយគ្នានេះ​ស្ថានីយទូរទស្សន៍ PNN ក៏​ធ្វើ​ការផ្សាយ​បន្ត​ផ្ទាល់​ជាមួយនឹង​កម្មវិធី​ប្រគុំ​តន្ត្រី​ដែល​អ​ញ្ជើ​តារាចម្រៀង​ល្បីៗ​នៅ​កម្ពុជា​ចូលរួម​ច្រៀង​ផងដែរ​។ ក្នុងនោះ​តារាចម្រៀង​ដែល​ចូលរួម​ដោយ​តារាចម្រៀង​ប្រុស​ស្រី​ល្បីឈ្មោះ​នៅ​កម្ពុជា​ជាច្រើន​ចូលរួម​ជាតា​រា​កិត្តិយស ក្នុងនោះ​ក៏មាន​តារាចម្រៀង ឆាយ វីរ​យុទ្ធ​ក៏​ត្រូវបាន​អញ្ញ្ជើញ​ឲ្យ​ចូលរួម​ផងដែរ​។ មានការ​លើកឡើងថា ឆាយ វីរៈ​យុទ្ធ​បានទាមទា​តម្លៃ​ខ្លួន​ខ្ពស់​ដូច​ទៅនឹង​ទីផ្សារ​ដែល​លោក​ធ្លាប់បាន​ច្រៀង​ក្នុង​កម្មវិធី​ប្រគុំ​តន្ត្រី​នានា​កន្លងមក​ដែរ​ដែល​លោក​ទាមទា​ប្រមាន​ជាន​២​ពាន់​ដុល្លារ​ក្នុងការ​ច្រៀង​ក្នុង​កម្មវិធី​នេះ ខណៈដែល​តារាចម្រៀង​ល្បីៗ​ផ្សេងៗ​ទៀត​នៅ​កម្ពុជា ដូចជា​កញ្ញា មាស សុខ​សោភា លោក ខេ​ម លោក ម៉ានិត សុទ្ធតែ​ស្ម័គ្រចិត្ត​ចូលរួម​ច្រៀង​ដោយ​មិន​ទទួលយក​កម្រៃ​ព្រោះតែ​កម្មវិធី​នេះ​គឺមាន​គោលបំណង​ផ្នែក​មនុស្សធម៌​។​

​មានការ​លើកឡើង​ដែរ​ថា ក្រោយពី​ការសម្របសម្រួល​តារាចម្រៀង​រូបនេះ​នៅតែ​បន្ត​ទាមទារ​ចំនួន​ទឹកប្រាក់​មួយចំនួន​ដើម្បី​ចូលរួម​បូក​រួមទាំង​ការស្នើ​ឲ្យ​មានការ​រចនា​រួប​ភាព​ផ្សព្វផ្សាយ​ដោយ​តម្រូវ​ឲ្យ​ដាក់​រួប​ថត​លោក នៅខាងមុខ និង​ធំជាងគេ ដែល​ការដាក់កំហិត​នេះ​បង្កើត​ឲ្យ​មាន​សម្ពាធ​ដល់​អ្នក​ផលិត​កម្មវិធី​ព្រោះតែ​តារាចម្រៀង​ល្បីៗ​ជាច្រើនរូប​ផ្សេងទៀត​ដែលមាន​វត្តមាន​នៅក្នុង​កម្មវិធី​នេះ​សុទ្ធតែ​ស្ម័គ្រចិត្ត​ចូលរួម​ហើយ​ប្រជាប្រិយភាព​របស់​ពួកគេ​ក៏​ស្ថិតក្នុង​លំដាប់​ជួរមុខ​ផងដែរ​។​

​ក្រុម​អ្នក​ផលិតកម្ម​វិធី​បានធ្វើ​ការរិះគន់​ជាខ្លាំង​ចំពោះ​តារាចម្រៀង ឆាយ វីរៈ​យុទ្ធ ដែល​ទាមទារ​តម្លៃ​ខ្លួន​ក្នុង​ការចូលរួម​ប្រគុំ​តន្ត្រី​បែប​សប្បុរសធម៌​ជាមួយនឹង​ការទាមទារ​បង្ហាញ​ផ្ទាំង​ផ្សព្វផ្សាយ​បែប​លើកតម្កើង​លោក​គឺជា​តួឯក​នោះ​។ តារាចម្រៀង​រូបនេះ​ត្រូវ​រង​ការ​រិះគន់ថា សំឡឹង​មើលឃើញ​ប្រាក់ចំណូល និង​មុខមាត់​ច្រើនជាង​ភាព​មនុស្សធម៌​ក្នុងការ​ចូលរួមចំណែក​ជួយ​ដល់​សង្គម​។​

​ទោះជា​យ៉ាងនេះ​ក្តី ក្រុម​អ្នក​ផលិតកម្ម​វិធី​របស់​ស្ថានីយទូរទស្សន៍ PNN បានសម្រេច​ចិត្ត​ដក​បេក្ខភាព​តារាចម្រៀង ឆាយ វីរៈ​យុទ្ធ ចេញពី​កម្មវិធី​ប្រគុំ​តន្ត្រី​រួមទាំង​រូបភាព​នៃ​ការផ្សព្វផ្សាយ​នានា​ដែល​ពាក់ព័ន្ធ​នឹង ឆាយ វីរៈ​យុទ្ធ ផងដែរ​។​

​អ្វីដែល​ធ្វើ​ឲ្យ​គេ​ភ្ញាក់ផ្អើល​គឺ​លោក​បានបង្ហាញ​វត្តមាន​ក្នុង​កម្មវិធី​ផ្តល់​ឈាម​ក្នុង​ទិវា​នៃ​ក្តី​ស្រលាញ់ ដែល​លោក ឆាយ វីរៈ​យុទ្ធ រំពឹងថា ការចូលរួម​នេះ​នឹង​អាច​បន្សាប​ការរិះគន់​កន្លងមក​នោះបាន​ដោយ​អន្លើ​។

​លោក ឆាយ វីរៈ​យុ​ទ្ធ បានបញ្ជាក់​ថា​នេះ​ជា​លើក​ទី​២​ហើយ​ដែល​រូបលោក​បានមក​ផ្តល់​ឈាម​ព្រោះ​ជំ​ហ៊ាន​ទី​១​លោក​បានផ្តល់​ម្តង​កាលពី​នៅ​អាយុ​ជាង​១០​ឆ្នាំ​គ្រា​កំពុង​សិក្សា​ដើម្បី​អំពាវនាវ​ដល់​មិត្តភក្តិ​កាលសម័យ​នោះ​ចូលរួម​បរិច្ចាគ​ឈាម​។​

​លោក​បញ្ជាក់ថា នេះ​ជា​ឱកាស​ទី​២​ក្រោយ​លោក​បានប្រែក្លាយ​ជីវិត​ជា​តារាចម្រៀង​មាន​អ្នកគាំទ្រ​ជាច្រើន​ហើយ​លោក​បាន​ចាត់ទុកថា ការផ្តល់​ឈាម​ម្តងទៀត​ដើម្បី​ជាការ​ជួយ​ដល់​សង្គម​យើង​មួយផ្នែក​ដែរ​។ ក្នុង​រូបភាព​បែប​មនុស្សធម៌​ជួយ​ដល់​កិច្ចការ​សង្គម​នេះ​លោក​ឆាយ វីរ់​យុទ្ធ បានបង្ហាញ​ឲ្យ​ដឹង​បន្តថា លោក​ធ្លាប់ជួយ​ជា​សកម្មភាព​មនុស្សធម៌​ផ្សេងៗ​មួយចំនែក​ដែរ​ដូចជា​ចូលរួម​បែប​មនុស្សធម៌​ទៅ​ចូលរួម​ការប្រគុំ​តន្ត្រី​នៅ​អូស្ត្រាលី​ជួយ​ដល់​កុមារកំព្រា​នៅ​ប្រទេស​កម្ពុជា​យើង​ទៅ​ប្រទេស​កូរ៉េ​រក​ថវិកា​ជួយ​ដល់​មន្ទីរពេទ្យ​គ​ន្ឋ​បុ​ប្ជា​ផងដែរ​៕

193635195647