បាល់ទាត់៖ខ្សែប្រយុទ្ធ Wayne Rooney ប្រធានក្រុមជម្រើសជាតិអង់គ្លេសនិងជាប្រធានក្រុមរបស់បិសាចក្រហម Man Utd ត្រូវបានអវត្តមានឲ្យក្រុមក្នុង រយៈពេល៦សប្តាហ៍ដោយរងរបួសជង្គង់។
ខ្សែប្រយុទ្ធសញ្ជាតិអង់គ្លេសវ័យ៣០ឆ្នាំរូបនេះ បានរងរបួសជង្គង់កើតឡើងកាលពីថ្ងៃសៅរ៍សប្តាហ៍ពេលលេងចាញក្លិបឆ្មារ Sunderland ដោយលទ្ធផល ២-១ ធ្វើឲ្យរូបគេមិនអាចបន្តជូយក្រុមបាន ។ Rooney ត្រូវបានដកឈ្មោះចេញពីបញ្ជីកីឡាករ Man Utd ដែលធ្វើដំណើរទៅប្រកួតកម្មវិធី Europa League ទល់នឹង FC Midtjylland នៅម៉ោង១យប់នេះ។
គួរបញ្ជាក់ថា ខ្សែប្រយុទ្ធ Rooney បន្ទាប់ពីអវត្តមានជាមួយ Man Utd ខ្សែប្រយុទ្ធរូបនេះក៏ប្រហែលអវត្តមានឲ្យក្រុមជម្រើសជាតិអង់កគ្លេសសម្រាប់ការប្រកួតមិត្តភាពពេលក្រុមជម្រើសជាតិអង់គ្លេស ប៉ះអាល្លឺម៉ង់ និងហូឡង់ចុងខែមិនាផងដែរ តែគេរំពឹងថារបួសនោះនឹងមិនអូសបន្លាយ ប៉ះពាល់ដល់ការត្រៀមលក្ខណៈរបស់តោកំណាចអង់គ្លេសក្នុងយុទ្ធនាការពានរង្វាន់ទ្វីបអឺរ៉ុបដែលនឹងចាប់ផ្តើមថ្ងៃទី១០ ខែមិថុនា នោះទេ៕
