ឥណ្ឌា៖មានការប៉ះទង្គិចគ្នារវាងក្រុមអ្នកធ្វើកុបកម្មរើសអើងវណ្ណៈ និងកម្លាំងអាជ្ញាធរ នៅភាគខាងជើងប្រទេសឥណ្ឌាបណ្តាលឲ្យមនុស្សយ៉ាងហោចណាស់១៩នាក់បានស្លាប់ និងជាង២០០នាក់ផ្សេងទៀតបានរងរបួស។ នេះបើយោងតាមការចេញផ្សាយរបស់សារព័ត៌មាន AFP នៅថ្ងៃទី២២ ខែកុម្ភៈ ឆ្នាំ២០១៦។
សារព័ត៌មានដដែលបានផ្សាយដោយដកស្រង់សម្តីសមាជិកក្រុមកុបកម្មម្នាក់បានឲ្យដឹងថា ពួកគេធ្វើកុបកម្មនេះគឺដើម្បីទាមទារឲ្យមានសិទ្ធិស្មើគ្នា ខណៈដែលសេដ្ឋកិច្ចនៃប្រទេសឥណ្ឌាកំពុងមានការរីកចម្រើន។
គួរបញ្ជាក់ថា កាលពីថ្ងៃអាទិត្យម្សិលមិញមានពលរដ្ឋឥណ្ឌារាប់រាយនាក់បាននាំគ្នាមកធ្វើកុបកម្មពាក់ព័ន្ធការរើសអើងវណ្ណៈ ប៉ុន្តែការធ្វើកុបកម្មនេះ ត្រូវបានកងកម្លាំងឥណ្ឌាធ្វើការបង្ក្រាបដោយបាញ់ទឹកដាក់ រហូតដល់មានការប៉ះទង្គិចគ្នាដែលបណ្ដាលឲ្យមានមនុស្ស១៩នាក់ស្លាប់ និងជាង២០០នាក់រងរបួស៕
