ដោយ៖សហការី
ភ្នំពេញ៖អតីតតារាចម្រៀង អ៊ូ រស្មី ច្រៀងប្រចាំផលិតកម្មឆ្លងដែន និងរៃមាសត្រូវបានសាលាឧទ្ធរណ៍នៅព្រឹកថ្ងៃទី២៩ ខែកុម្ភៈ ឆ្នាំ២០១៦សម្រេចកែប្រែបទចោទប្រកាន់ និងសម្រេចផ្តន្ទាទោស ដាក់ពន្ធនាគារ៥ឆ្នាំ និងពិន័យ១០លានរៀល ពីបទអូសទាញពេស្យាចារកុមារ។
លោកចៅក្រម ប្លង់ សំណាង ថ្លែងក្នុងសវនាការថា មានភស្តុតាងគ្រប់គ្រាន់ទៅលើជនជាប់ចោទឈ្មោះ អូ រស្មី ពីបទអូសទាញពេស្យាចារកុមារ តាមបញ្ញត្តិមាត្រា៣៥ច្បាប់ស្ដីពីការបង្ក្រាបអំពើជួញដូរមនុស្ស និងអំពើធ្វើអាជីវកម្មផ្លូវភេទ។
គួររម្លឹកថា នាពេលសវនាការកន្លងទៅ ជនរងគ្រោះអាយុ១៤ឆ្នាំ បានឆ្លើយទទួលស្គាល់ថា ការរួមភេទជាមួយតាតា គឺកើតចេញពីការស្ម័គ្រចិត្ត ព្រោះជនរងគ្រោះចង់ក្លាយជាតារា ពោលគឺគ្មានការបង្ខិតបង្ខំនោះទេ។
គួរបញ្ជាក់ថា តារាចម្រៀង អ៊ូ រស្មី អាយុ៣៦ឆ្នាំ ស្នាក់នៅក្នុងបុរីពិភពថ្មី សង្កាត់ចោមចៅ ខណ្ឌពោធិ៍សែនជ័យ ត្រូវសមត្ថកិច្ចនគរបាលការិយាល័យប្រឆាំងការជួញដូរមនុស្ស និងការពារអនីតិជន រាជធានីភ្នំពេញឃាត់ខ្លួនកាលពីរសៀលថ្ងៃទី១៨ ខែមករា ឆ្នាំ២០១៤ យោងតាមពាក្យបណ្តឹងរបស់ម្តាយក្មេងស្រីរងគ្រោះអាយុ១៤ឆ្នាំ៕
