បាល់ទាត់៖លោក Ferran Soriano នាយកប្រតិបត្តិក្លិប Man City បានបង្ហើបឲ្យដឹងថា ក្លឹបមេឃខៀវ នឹងឲ្យ Pep Guardiola ជាង២១៣លានផោនដើម្បីទិញ Superstars លំដាប់ World Class នៅរដូវក្ដៅខាងមុខនេះ ដើម្បីឲ្យក្រុមមេឃខៀវ ស្ថិតក្នុងចំណោមក្រុមខ្លាំងទាំង៥លើលោក។
នាយកប្រតិបត្តិវ័យ៤៨ឆ្នាំរូបនេះបញ្ជាក់ថា Man City មិនមែនចង់ទិញកីឡាករគិតតែបរិមាណទេ ពោលគឺទិញតែកីឡាករលំដាប់ World Class ប៉ុណ្ណោះ និងចង់អភិវឌ្ឍទម្រង់ឲ្យដូចរបៀបលេងក្រុម FC Barcelona បច្ចុប្បន្ន។
ទោះជាយ៉ាងណាកីឡាករ៣នាក់ដែល Pep នឹងទិញនោះ ពុំទាន់ដឹងនៅឡើយទេ ប៉ុន្តែកន្លងមកអ្នកចាត់ការសញ្ជាតិអេស្ប៉ាញរូបនេះ ធ្លាប់ចាប់អារម្មណ៍ និងមានគោលដៅមួយចំនួនដូចជា Luis Suarez, Sergio Busquets របស់ក្រុម Barcelona, ខ្សែការពារ John Stones របស់ Everton និងគ្រោងនាំកូនចៅរបស់លោកបច្ចុប្បន្ន Manuel Neuer និង Robert Lewandowski ទៅ Man City ផងដែរ
គួរបញ្ជាក់ថា Pep Guardiola ដែលបច្ចុប្បន្នកំពុងដឹកនាំក្រុម Bayern Munich នឹងទៅដឹកនាំក្រុម Man City រដូវកាលក្រោយ ខណៈដែលរដូវកាលដំបូងនៅ Ethiad លោកមិនរំពឹងជួយមេឃខៀវ លើកពាន UEFA Champions League ទេ៕
