ប៉ូលិសប៊ែលហ្សិកឃាត់ខ្លួនមនុស្ស៦នាក់ពាក់ព័ន្ធការបំផ្ទុះគ្រាប់បែក
ប៊ែលហ្សុក៖ជនសង្ស័យ៦នាក់ត្រូវបានប៉ូលិសប៊ែលហ្សិកបានចាប់ឃុំខ្លួន ខណៈដែល២នាក់ផ្សេងទៀតរត់គេចខ្លួនជាប់ពាក់ព័ន្ធនឹងការវាយប្រហារដោយបំផ្ទុះគ្រាប់បែកនៅក្នុងទីក្រុងព្រុចសែល កាលពីថ្ងៃទី២២មីនាដែលបានសម្លាប់មនុស្ស៣១នាក់ និងអ្នករបួសជាង៣៣០នាក់។ ការឃាត់ខ្លួននេះធ្វើឡើងគ្រាដែលកម្លាំងប៉ូលិសប៊ែលហ្សិកចុះប្រតិបត្ដិការចុះឆែកឆេរស្វែងរកបណ្ដាញក្រុមភេរវករ។
គួរបញ្ជាក់ថា ចាប់តាំងពីការវាយប្រហារភេរវកម្មដោយការបំផ្ទុះគ្រាប់បែក កើតឡើងនៅអាកាសយានដ្ឋានអន្ដរជាតិ និងនៅស្ថានីយរថភ្លើងក្នុងប្រទេសបែលហ្ស៊ិក ប៉ូលិសបានរកឃើញថា មានបុរស៥នាក់ជាប់ពាក់ព័ន្ធនឹងការវាយប្រហារ ក្នុងនោះមានបុរសបីនាក់បានស្លាប់ និងពីរនាក់ទៀតកំពុងតែរត់គេចខ្លួន៕
