ខេត្តកំពត៖ក្រោមការបញ្ជារបស់លោកឧត្តមសេនីយ៍ត្រី ម៉ៅ ច័ន្ទមធុរិទ្ធ ស្នងការនគរបាលខេត្ត នៅថ្ងៃទី ២៤ ខែមីនា ឆ្នាំ២០១៦ វេលាម៉ោង ១៥ និង០០នាទី កម្លាំងនគរបាលព្រហ្មទណ្ឌកំរិតធ្ងន់របស់ស្នងការដ្ឋាននគរបាលខេត្តដឹកនាំដោយលោក វរសេនីយ៍ត្រី លក ញ៉ាវ នាយរងការិយាល័យព្រហ្មទណ្ឌកំរិតធ្ងន់ សហការជាមួយកម្លាំងអធិការដ្ឋាននគរបាលស្រុកដងទង់បានចុះបង្ក្រាបកន្លែងជល់មាន់ខុសច្បាប់មួយកន្លែងស្ថិតនៅក្នុងភមិធំថ្មី ឃុំដងទង់ ស្រុកដងទង់ ខេត្តកំពត ដែលមានម្ចាស់សង្វៀនឈ្មោះ តុប យិន ភេទប្រុស អាយុ ៦៩ឆ្នាំ ឃាត់ខ្លួនមនុស្ស០៦នាក់ ស្រី ០១នាក់ រឹបអូសបានម៉ូតូចំនួន ១៦គ្រឿង និងមាន់ ០៩ក្បាល ។
បច្ចុប្បន្នទាំងមនុស្ស និងវត្ថុតាងបាននាំយកមកឃុំខ្លួន និងរក្សាទុកនៅការិយាល័យកណ្តាលនគរបាលព្រហ្មទណ្ឌនៃស្នងការដ្ឋាននគរបាលខេត្តកំពតចាត់ការទៅតាមនីតិវិធីច្បាប់៕
