ខេត្តព្រះសីហនុ៖កម្លាំងការិយាល័យបង្ក្រាបបទល្មើសគ្រឿញៀននៃកងរាជអាវុធហត្ថខេត្តព្រះសីហនុចុះបង្ក្រាបករណីជួញដូរគ្រឿងញៀនដោយបានឃាត់ខ្លួនស្ត្រី២នាក់ ដកហូតថ្នាំញៀន៣កញ្ចប់ធំស្មើនិង៩ក្រាម រួមនិងប្រាក់ដុល្លាររាប់ពាន់ដុល្លារ។ ការចុះបង្ក្រាបនេះធ្វើឡើងកាលពីវេលាម៉ោង១១និង២៥នាទីនាទីថ្ងៃទី២៨ ខែមេសាឆ្នាំ២០១៦ នៅចំណុចផ្សារពាណិជ្ជកម្មស្ថិតក្រុមទី១ភូមិ១ សង្កាត់២ ក្រុង-ខេត្តព្រះសីហនុ។
ប្រតិបបត្តិការនេះធ្វើឡើងក្រោមការបញ្ជាផ្ទាល់ពីលោកឧត្តមសេនីយ៍ត្រី ហេង ប៊ុនទី មេបញ្ជាការកងរាជអាវុធហត្ថខេត្ត ដឹកនាំដោយលោកវរសេនីយ៍ត្រី ឆេង វុទ្ធី ប្រធានមន្ទីរយុត្តិធម៌។
ក្នុងកិច្ចប្រតិបត្តិការបង្ក្រាបនេះដែរកម្លាំងបានដកហូតវត្ថុតាងរួមទាំងអស់មានម្សៅពណ៌សថ្លាចំនួន០៣កញ្ចប់ធំ ម៉ូតូ០២គ្រឿង ទូរស័ព្ទដៃ០៣គ្រឿង ប្រាក់រៀល៣លានរៀល ប្រាក់ដុល្លារ៧៣០០(ឆែកលើកទី២បាន២៨០០ដុល្លារ) ខ្សែកផ្លាកទីន៣ខ្សែ ខ្សែដៃផ្លាកទីន២ខ្សែចិញ្ចៀន០១វង់។
ស្ត្រីជាជនសង្ស័យដែលត្រូវបានឃាត់ខ្លួននោះទី១ឈ្មោះ ស៊ុត ចន្ធូ ភេទស្រី អាយុ៣២ឆ្នាំ ជនជាតិ ខ្មែរ មុខរបរ លក់ដូរមានទីលំនៅបន្ទប់ជួលលេខ០៤ ក្រុម ០៩ ភូមិ០២ សង្កាត់០៣ ក្រុងខេត្តព្រះសីហនុ ។ទី២ឈ្មោះ ស៊ុត សុខា ភេទស្រី អាយុ២៨ឆ្នាំ ជនជាតិ ខ្មែរ មុខរបរ ក្រឡុកស្រាបាបារាំងមានទីលំនៅបន្ទប់ជួលលេខ០៤ ក្រុម ១៤ ភូមិ០១ សង្កាត់០៤ ក្រុងខេត្តព្រះសីហនុ។
បច្ចុប្បន្នជនសង្ស័យទាំង២នាក់ត្រូវបានបបញ្ជូនមកការិយាល័យបទល្មើសគ្រឿងញៀនកងរាជអាវុធហត្ថខេត្តព្រះសីហនុដើម្បីអនុវត្តតាមនីតិវិធីច្បាប់៕
