មន្ត្រីអាដហុក៤រូប និងអគ្គលេខាធិការរង គ.ជ.ប ១រូបបានបញ្ជូនទៅសាលាដំបូងរាជធានីភ្នំពេញព្រឹកនេះដើម្បីសាកសួរបន្ត
រាជធានីភ្នំពេញ៖លោក លី សុផាណា អ្នកនាំពាក្យសាលាដំបូងរាជធានីភ្នំពេញ បានថ្លែងឲ្យដឹងថា នៅព្រឹកថ្ងៃទី០២ ខែឧសភា ឆ្នាំ២០១៦នេះ មន្ត្រីអង្គការអាដហុក ៤រូបនិងអគ្គលេខាធិការរង គ.ជ.ប ១រូបត្រូវបានបញ្ជូនមកដល់សាលាដំបូងរាជធានីភ្នំពេញវិញហើយ ដើម្បីបន្តការសាកសួរ ដោយតំណាងអយ្យការក្រោយពីបានសាកសួរអស់ពេញមួយថ្ងៃ កាលពីម្សិលមិញ ។
សូមបញ្ជាក់ថា មន្ត្រីអាដហុកទាំង៤រូបរួមមាន លោក នី សុខា ប្រធានផ្នែកស៊ើបអង្កេត សមាគមអាដហុក, លោក យី សុខសាន្ត អនុប្រធានផ្នែកស៊ើបអង្កេតសមាគមអាដហុក, លោក ណៃ វ៉ងដា អនុប្រធានផ្នែកស៊ើបអង្កេត សមាគមអាដហុក, លោកស្រី លឹម មុនី មន្ត្រីអង្កេតជាន់ខ្ពស់អាដហុក និងលោក នី ចរិយា អគ្គលេខាធិការ គ.ជ.ប មួយរូប៕
