តុលាការកោះហៅ លោក អ៊ូ វីរៈ ឱ្យចូលបំភ្លឺជុំវិញលើបណ្តឹងគណបក្សកាន់អំណាច
រាជធានីភ្នំពេញ៖សាលាដំបូងរាជធានីភ្នំពេញ បានចេញដីការកោះអញ្ជើញ លោក អ៊ូ វីរៈ ប្រធានវេទិកា អនាគតកម្ពុជា ឲ្យចូលបំភ្លឺនៅថ្ងៃទី១២ ខែឧសភា ឆ្នាំ២០១៦ ទាក់ទងបណ្តឹងរបស់គណបក្សប្រជាជនកម្ពុជា តំណាងដោយលោក សុខ ឥសាន្ត អ្នកនាំពាក្យគណបក្ស។
សូមជម្រាបថា គណបក្សកាន់អំណាច តំណាងដោយលោក សុខ ឥសាន បានដាក់ពាក្យប្តឹង លោក អ៊ូ វីរៈ ប្រធានវេទិកាអនាគត ទៅសាលាដំបូងរាជធានីភ្នំពេញ ពីបទបរិហារកេរ្តិ៍ជាសាធារណៈ ដោយទាមទារសំណងចំនួន៤០០លានរៀល។ បណ្តឹងនេះ បានធ្វើឡើងបន្ទាប់ លោក អ៊ូ វីរៈ បានលើកឡើងតាមរយៈ វិទ្យុអាស៊ីសេរី កាលពីថ្ងៃទី២៤ ខែមេសា ឆ្នាំ២០២១៦ ដោយចោទគណបក្សប្រជាជនថា ជាអ្នកនៅពីក្រោយ នៃដំណើររឿង លោក កឹម សុខា និងកញ្ញា ខុម ចាន់តារ៉ាទី ហៅស្រីមុំ៕
