អាហ្វហ្គានីស្ថាន៖មនុស្សយ៉ាងហោចណាស់ចំនួន៧៣នាក់បានស្លាប់ និងច្រើននាក់ផ្សេងទៀតរងរបួសក្នុងហេតុការណ៍រថយន្តក្រុង និងរថយន្តដឹកប្រេងបុកគ្នាកាលពីថ្ងៃអាទិត្យនៅលើផ្លូវហាយវ៉េមួយខ្សែនៅភាគខាងកើតប្រទេសអាហ្វហ្គានីស្ថាន។ នេះបើតាមការចេញផ្សាយពីព័ត៌មានចិនស៊ិនហួរ។
មន្ត្រីនាំពាក្យអភិបាលខេត្ត Ghazni នាភាគខាងកើតប្រទេសអាហ្វហ្គានីស្ថានបាននិយាយថា កាលពីដំបូងឡើយ មនុស្សតែ១៤នាក់ប៉ុណ្ណោះ បានស្លាប់នៅហ្នឹងកន្លែងហេតុ ប៉ុន្តែក្រោយមកទើបអ្នករងរបួសធ្ងន់ បានស្លាប់ជាបន្តបន្ទាប់។ ប្រភពដដែលបញ្ជាក់ថា រថយន្តទាំងពីរគ្រឿងខាងលើនេះបានផ្ទុះឆេះយ៉ាងសន្ធោសន្ធៅ ក្រោយពីការបុកគ្នាយ៉ាងពេញទំហឹង។
គួរបញ្ជាក់ថា គ្រោះថ្នាក់រថយន្តធំបុកគ្នានេះបានកើតឡើងនៅលើផ្លូវហាយវ៉េមួយខ្សែដែលបានភ្ជាប់ការធ្វើដំណើរពីទីក្រុងKabul ទៅកាន់ទីក្រុង Dahar ដែលស្ថិតនៅភាគខាងត្បូងនៃប្រទេសនេះ៕
