ក្មេងអាយុ៨ឆ្នាំម្នាក់ផុងជើងជាប់នឹងថ្មក្នុងស្ទឹងសង្កែ
បាត់ដំបង៖កំលាំងនគរបាលមូលដ្នានក្នុងស្រុកបាណន់រួមជាមួយប្រជាពលរដ្ឋជាច្រើននាក់នៅព្រឹកថ្ងៃទី៨ ខែឧសភា ឆ្នាំ២០១៦បានសង្គ្រោះក្មេងប្រុសម្នាក់ដែលបានដើរលេងក្នុងស្ទឹងសង្កែ ហើយផុងជើងគាបជាប់នឹងថ្ម ត្រូវបានជួយសង្គ្រោះទាន់ពេលវេលាដោយប្រើប្រាស់រយៈពេល៣ម៉ោង។
ក្មេងប្រុសដែលជួបហេតុការណ៍ខាងលើនោះមានឈ្មោះគឿត ខេង អាយុ៨ឆ្នាំរស់នៅក្បែរកន្លែងកើតហេតុចំនុចដងស្ទឹងសង្កែ ក្នុងស្រុកបាណន់ ទល់មុខប្រាសាទបាណន់ ខេត្តបាត់ដំបង។
លោកវរសេនីយ៍ទោ ប៊ុត សំបូរ អធិការនគរបាលស្រុកបាណន់ បានបញ្ជាក់ថា ដោយការខិតខំព្យាយាមពីសមត្ថកិច្ចនិងប្រជាពលរដ្ឋផង ក្មេងប្រុសរងគ្រោះនោះត្រូវបានសង្គ្រោះដោយជោគ ជ័យរួចផុតពីសេចក្តីស្លាប់និងបានបញ្ជួនទៅកាន់មន្ទីរពេទ្យដើម្បីពិនិត្យ ព្យាបាលរបួស៕ប៉ែនសុផល
