បាញ់ប្លន់យកម៉ូតូមួយគ្រឿងបានសម្រេចនៅក្បែរស្ពានលីយ៉ុងផាត់
រាជធានីភ្នំពេញ៖ក្រុមចោរបានធ្វើសកម្មភាពបាញ់ប្លន់យកម៉ូតូមួយគ្រឿងម៉ាក C125 ពណ៌ខ្មៅ ពីបុរសម្នាក់កាលពីយប់មិញ នៅផ្លូវជាតិលេខ៦A ភូមិក្តីចាស់ សង្កាត់បាក់ខែង ខណ្ឌជ្រោយចង្វា រាជធានីភ្នំពេញ បណ្តាលឲ្យបុរសរងគ្រោះរងរបួស និងត្រូវបញ្ជូនទៅសង្គ្រោះនៅមន្ទីរពេទ្យភ្លាមៗ។
យ៉ាងណាក៏ដោយសមត្ថកិច្ចមិនទាន់បញ្ជាក់អំពីអត្តសញ្ញាណជនរងគ្រោះនៅឡើយទេ ខណៈដែលក្រុមចោរត្រូវបានគេរាយការណ៍ថា មានគ្នា២នាក់ជិះម៉ូតូ SL មួយគ្រឿង ហើយធ្វើសកម្មភាពបាញ់ជនរងគ្រោះប្លន់យកម៉ូតូទៅបាត់៕
