ចេញដីកាលើកទី២កោះហៅ លោក កឹម សុខា ឲ្យចូលបំភ្លឺ
រាជធានីភ្នំពេញ៖សាលាដំបូងរាជធានីបានចេញដីកាលើកទី២កោះហៅលោក កឹម សុខា ប្រធានស្តីទីគណបក្សសង្គ្រោះជាតិឲ្យចូលទៅបំភ្លឺលើដំណើររឿងពាក់ព័ន្ធនឹងអំពើសញ្ចាកម្ម នៅថ្ងៃទី២៦ ខែឧសភា ឆ្នាំ២០១៦ វេលាម៉ោង ៩ និង០០នាទីព្រឹក។
គួរបញ្ជាក់ថា សាលាដំបូងរាជធានីភ្នំពេញបានចេញដីកាកោះហៅលោក កឹម សុខា ម្តងរួចមកហើយកាលពីថ្ងៃទី០៦ ខែឧសភា ឲ្យចូលទៅបំភ្លឺលើសំណុំរឿងសញ្ចាកម្មនៅថ្ងៃទី១៧ ខែឧសភា ម្សិលមិញនេះ តែលោក កឹម សុខា មិនបានចូលខ្លួនតាមដីកាកោះនេះឡើយ៕
