អាមេរិកលើកលែងទណ្ឌកម្មលើជំនួញអាវុធពីប្រទេសវៀតណាម
ហាណូយ៖រដ្ឋាភិបាលអាមេរិកបានសម្រេចលើកលែងទណ្ឌកម្មលើជំនួញសព្វាវុធពីប្រទេសវៀតណាមចាប់ពីពេលនេះតទៅ។ ការសម្រេចបែបនេះធ្វើឡើងក្នុងដំណើរទស្សនកិច្ចរបស់ប្រធានាធិបតីអាមេរិកលោក បារ៉ាក់ អូបាម៉ា ក្នុងប្រទេសវៀតណាម។
សារព័ត៌មានស៊ិនហួរបានផ្សាយនៅមុននេះបន្តិចថា ការសម្រេចខាងលើនេះ បានធ្វើឡើងដោយលោក អូបាម៉ា ផ្ទាល់នៅក្នុងដំណើរទស្សនកិច្ចថ្ងៃដំបូងមកកាន់ប្រទេសវៀតណាម ។ ជាមួយគ្នានោះដែរនឹងមានការពិភាក្សាជាច្រើន ពាក់ព័ន្ធនឹងការគ្រោង កសាងចំណងទាក់ទងនៃប្រទេសអតីតគូសត្រូវទាំងពីរនេះ ឲ្យបានរឹងមុំា និងជិតស្និទ្ធជាងពេល ណាៗទាំងអស់៕
