កណ្តាល៖ រថយន្តដឹកក្រុមតន្ត្រីសម័យចិត្តស្រីមុំ កាលពីវេលាម៉ោង១២និង៣០នាទី ថ្ងៃទី២៣ ខែឧសភា ឆ្នាំ២០១៦ នេះ បានបើកថយក្រោយពេលចុះកំពង់ដ តែត្រូវធ្លាក់ពីទូកដចុះទឹកព្រែក បង្កការភ្ញាក់ផ្អើលស្ថិត នៅចំណុចកំពង់ចម្លងវត្តក្បាលកោះ ភូមិព្រែកយាយមី ឃុំកោះខ្សាច់ទន្លា ស្រុកស្អាង ខេត្តកណ្តាល ។
ប្រភពបានឲ្យដឹងថា រថយន្ត ម៉ាកទីតាន់ ពណ៍ខៀវ បើកបរដោយឈ្មោះខុម ឃន ភេទប្រុស អាយុ៣០ឆ្នាំ មុខរបរៈបើកបររថយន្តដឹកដន្ត្រីសមយ័ ចិត្ត ស្រីមុំ ឃុំក្រាំងយ៉ូវ មានទីលំនៅភូមិសំរោង ឃំក្រាំយ៉ូវ ស្រុកស្អាង ខេត្តកណ្ដាល បានបើរថយន្តចុះទូកដ ត្រើយខាងកើត បណ្ដាលអោយធ្លាក់ទឹកតែម្ដង ។
សមត្ថកិច្ចបានបញ្ជាក់ថា ករណីនេះកើតឡើងដោយសាររថរយន្តហ្វ្រាំងមិនស៊ី ក៏ជ្រុលកិនលើកំណល់បណ្ដាលអោយផ្អៀងទូកចូលទឹកលិចទៅក្នុងទឹក ទន្លេបាសាក់ ទាំងរថយន្ត និងទាំងទូកដរ ដែលមានម្ចាស់ឈ្មោះ សុង លាង ភេទប្រុស អាយុ៤៨ឆ្នាំ មានទីលំនៅភូមិព្រែកតាជ្រូក ឃុំព្រែកគយ ស្រុកស្អាង ខេត្តកណ្ដាល តែម្តង ។
ទោះជាយ៉ាងនេះក្តី ក៏ករណីគ្រោះថ្នាក់នេះ មិនបណ្ដាលមនុស្សរងរបួសនោះទេ តែបណ្ដាលអោយខូចខាតឧប្បករណ៍ភ្លេងដូចជាៈ ធុងបាស់ចំនួន៦ធុង ធំ២ និងអាំភ្លី១ឈុត រថយន្ត១គ្រឿង ៕
