រាជធានីភ្នំពេញ៖លោកស្រី ហ៊ុន ម៉ាណា អគ្គនាយកទូរទស្សន៍បាយ័ន ត្រូវបានគេរាយការណ៍ថា បានផ្តល់ផ្ទះមួយល្វែងដល់អតីតកីឡាប្រដាល់ អេ ភូថង ក្នុងពេលដែលកីឡាកររូបនោះត្រូវបានចាកចេញពីលំនៅដ្ឋាន ក្នុងស្តាតចាស់។
គួរបញ្ជាក់ថា អតីតកីឡាករប្រដាល់កម្ពុជា លោក អេ ភូថង ដែលប្រឡូកក្នុងវិស័យកីឡា ជិត៣០ឆ្នាំ មកហើយនោះ មកដល់ពេលនេះ គឺមិនទាន់មានផ្ទះសំបែងសមរម្យនៅឡើយ ហើយកន្លងទៅក្រុមគ្រួសារលោក បានស្នាក់នៅបណ្តោះអាសន្នក្នុងស្តាតចាស ប៉ុន្តែ ខណដែលស្តាត់ចាសត្រូវរុះរើក្រុមគ្រួសាររបស់លោក ត្រូវប្រឈមនឹងការខ្វះកន្លែងស្នាក់នៅ។
យ៉ាងណាក៏ដោយ មកដល់ពេលនេះអាចនិយាយថា គ្រួសារលោក អេ ភូថង មានក្តីសង្ឃឹមឡើងវិញ ក្នុងពេលដែល លោកស្រី ហ៊ុន ម៉ាណា បានកាដូផ្ទះមួយល្វែងដល់ក្រុមគ្រួសារលោក ហើយអាចចាត់ទុកថា នេះជាភព្វសំណាងរបស់ក្រុមគ្រួសារអតីតស្តេចប្រដាល់កម្ពុជារូបនេះ៕
