ព្រៃវែង៖កុមារីដែលជាសិស្សថ្នាក់ទី៤និង ទើបតែអាយុ10ឆ្នាំម្នាក់ត្រូវបានជនឃោរឃៅចាប់រំលោភហើយសម្លាប់បំបិតមាត់យ៉ាងសាហាវបំផុត។ ករណីដ៏គួរឱ្យអាណិតនេះបានកើតឡើងកាលពី ថ្ងៃទី ៧ ខែមិថុនា ឆ្នាំ២១០៦ ម៉ោង៤រសៀល នៅចំណុចព្រៃខាងកើតភូមិខ្យោកកណ្តាល ឃុំពពឺស ស្រុកស្វាយអន្ទរ ខេត្តព្រៃវែង ដែលមាន ចំងាយពីភូមិប្រហែល២០០ម៉ែត្រ ហើយករណីរំលោភរួចសម្លាប់មកលើក្មេងស្រីនេះផងដែរ។
សមត្ថកិច្ចបានឱ្យដឹងថា ជនរងគ្រោះ ឈ្មោះ ចាន់ សុឃីម ភេទស្រីអាយុ១០ឆ្នាំ មានទីលំ នៅ ភូមិខ្យោកជើង ឃុំពពឺស ស្រុកស្វាយអន្ទរ ខេត្តព្រៃវែង។ ស្លាប់នៅនឹងកន្លែងកើតហេតុ ចំណែក ឯជនសង្សយ័ឈ្មោះ ទ្រី គឹមឈាង ភេទប្រុសអាយុ៣០ឆ្នាំមានទីលំនៅ ភូមិឃុំជាមួយ ត្រូវបានសមត្ថកិច្ចឃាត់ខ្លួន ដើម្បីសួរនាំ ។
ប្រភពពីពលរដ្ឋក៏ដូចជាក្រុមគ្រួសារនិងអាណាព្យាបាលរបស់ កុមារីរងគ្រោះ បានអះអាងថា ជនសង្សយ័នោះគឺពិតជាបានព្រព្រិត្តអំពើឃោរឃៅ មកលើកុមារីរងគ្រោះនោះមិនខានឡើយ ព្រោះថា ប្អូនស្រីកុមាររងគ្រោះ ឈ្មោះចាន់ ពៅ អាយុ៤ឆ្នាំបាននិយាយថាឈ្មោះ ទ្រី គឹម ឈាង ភេទប្រុស អាយុ៣០ឆ្នាំភូមិខ្យោកកណ្តាល ឃុំពពឺសបានបបួលបងស្រីរបស់ខ្លួនទៅរកឃ្មុំនៅព្រៃខាងកើតភូមិ មុនពេលកើតហេតុ ចំណែកឈ្មោះ ភុន ដេវីត ភេទប្រុសអាយុ13ឆ្នាំនៅភូមិជាមួយជនសង្ស័យបានឱ្យដឹងថាខ្លួនបានឃើញឈ្មោះ ទ្រី គឹម ឈាង ដើរទៅជាមួយជនរងគ្រោះនោះមែននៅម្ដុំកន្លែងកើតហេតុ នា ពលរដ្ឋបានអះអាងទៀតថា ឈ្មោះ ទ្រី គឹមឈាង នេះជាមនុស្សខិលខូចដោយកន្លងមកធ្លាប់បានធ្វើសកម្មភាពចាប់ដៃចាប់ជើងជាមួយនារីៗ ហើយតែងតែធ្វើសកម្មភាពបៀតបៀនកេរ្តិ៍ខ្មាសមកលើនាក់ភូមិជាញឹកញាប់តែមិនមាននណាចាប់កំហុសឬផ្ដឹងបានឡើយ។
ប្រភពដដែលបានឱ្យដឹងទៀតថា សពកុមាររងគ្រោះ លុះដល់ម៉ោង៤រសៀលទើបក្រុមគ្រួសារជនរងគ្រោះបានរកឃើញសពជនរងគ្រោះស្លាប់ នៅនឹងកន្លែងកើតហេតុ បាត់ទៅហើយ ពាក់ព័ន្ធនឹងករណីនេះផងដែរ លោក អ៊ុន ផាន អធិការស្រុកស្វាយអន្ទរ បានឱ្យអ្នកព័ត៌មានយើងដឹងថា ជនសង្ស័យឈ្មោះទ្រី គឹមឈាង នោះត្រូវបានកម្លាំងរបស់លោកឃាត់ខ្លួនកាលពីម៉ោ៥ល្ងា ចថ្ងៃទី៧ ខែមិថុនា ឆ្នាំ២១០៦ ដោយសំអាងទៅលើសាក្សីចំនួន២នាក់ដែលឃើញជនសង្ស័យនាំជនរងគ្រោះទៅក្នុងព្រៃនាកន្លែងកើតហេតុ ហើយនឹងសំអាងទៅលើស្លាកស្នាមមួយចំនួនដែលមានស្នាមដាច់រលាត់ស្បែកជនសង្ស័យ។ តែយ៉ាងណាជនសង្ស័យនៅមិនទាន់សារភាពនៅឡើយនោះទេ ហើយលោក កំពុងស្រាវជ្រាវរកឯកសារមួយចំនួនទៀតដើម្បីដាក់បន្ទុក និងកសាងសំណុំរឿងបញ្ជូនខ្លួនទៅសាលាដំបូងខេត្តចាត់ការតាមនីតិវិធី៕
