ផ្ទះថ្មមួយខ្នងស្រុតកប់ក្នុងដីពាក់កណ្តាល នៅសង្កាត់ព្រែកលៀប ខណ្ឌជ្រោយចង្វា
ភ្នំពេញ៖ ផ្ទះថ្មមួយខ្នងបានស្រុតចូលក្នុងដីស្ទើរពាក់កណ្តាល កាលពីវេលាម៉ោង៣ និង៣៥នាទីរសៀលថ្ងៃទី២១ ខែមិថុនា ឆ្នាំ២០១៦ ។ផ្ទះដែលស្រុតចូលក្នុងដីនេះ ជាភោជនីដ្ឋានយីហោ បឹងសំរោង ស្ថិតនៅតាមបណ្តោយផ្លូវជាតិលេខ៦ អា ត្រង់ចំណុចភូមិព្រែកលៀប សង្កាត់ព្រែកលៀប ខណ្ឌជ្រោយចង្វា រាជធានីភ្នំពេញ។
មន្ត្រីមូលដ្ឋានមួយរូបបានឲ្យដឹងថា ម្ចាស់ផ្ទះខាងលើ ឈ្មោះ មាស ឆុន ជាមន្ត្រីយោធា ។ផ្ទះនេះសង់ពីបេតុង ប្រក់ក្បឿងមានបណ្តោយ ៨ គុណ ១០ម៉ែត្រ ជាប្រភេទវីឡាកូនកាត់។
ទោះជាយ៉ាងនេះក្តី ក្នុងហេតុការណ៍នេះគ្មាននរណាម្នាក់រងគ្រោះនោះទេ ។សមត្ថកិច្ចកំពុងសិក្សាអំពីការស្រុតផ្ទះដ៏ចម្លែកដែលបង្កឲ្យមានភ្ញាក់ផ្អើលខាងលើនេះ៕
