ខេត្តកោះកុង៖ មន្ត្រីរាជការនិងប្រជាពលរដ្ឋក្នុងខេត្តកោះកុង បានឲ្យដឹងថា បទល្មើសដឹកជញ្ជូនឈើចេញពីខេត្តកោះកុងយកទៅលក់ នៅឯ ប្រទេសវៀតណាម កើតឡើងយ៉ាងពេញបន្ទុកដែលឃើញ សមត្តកិច្ចណាចុះ បង្ក្រាបម្តងសោះ។ សារព័ត៌មានបានភ្ជាប់ទូរស័ព្ទ ឱម ម៉ាក់ រី នាយខណ្ឌរដ្ធបាល ព្រៃឈើខេត្ត កោះកុង ដើម្បសុំការបំភ្លឺពាក់ពន្ធនិងកាដឹកជញ្ជូនឈើក្រញូងនិងឈើធ្នុងនេះ លោកបានប្រាប់មកវិញថា កំពុងជាប់ រវល់ប្រជុំ នៅភ្នំពេញ។
ដោយឡែកលោក ឯម ចាន់ ថា មេបញ្ជាការ អនុសេនា ធំលេខ៣ ប្រចាំខេត្តកោះកុង មិន អាចសុំការបំភ្លឺពាក់ពន្ធ័ និងការចោទប្រកាន់ថា រូបលោក រកស៉ីដឹកឈើគ្រញូងយកទៅលក់អោយ ឈ្មួញបន្ត ដឹកទៅលក់នៅឯប្រទេសវៀតណាម ដោយសារតែទូរស័ព្ទ លោកមិនអាចទំនក់ទំនងបាន។ ប្រជាពលរដ្ធនិយាយថា មន្ត្រីរដ្ឋបាលព្រៃឈើ និងសមត្ថកិច្ចពាក់ព័ន្ធដូចជា នគរបាលប្រឆាំងបទល្មើសសេដ្ឋកិច្ច និងកងរាជអាវុធហត្ថជាដើម គិតគូរតែរឿងប្រមូលលុយដាក់ហោប៉ៅ មិនគិតពីការបង្ក្រាបបទល្មើសសោះឡើយ។
ប្រភពបានឲ្យដឹងទៀតថា យូរៗទើបមន្ត្រីរដ្ឋបាលព្រៃឈើ និងសមត្ថកិច្ចពាក់ព័ន្ធ បង្ក្រាបរថយន្តដឹកឈើខុសច្បាប់បានម្តងដោយសារ តែម្ចាស់រថយន្ត ទាំងនោះមិនបង់លុយឲ្យមន្ត្រី រដ្ឋបាលព្រៃឈើ និងសមត្ថកិច្ចដទៃទៀត តាមការកំណត់។
កាលពីសប្តាហ៍មុន កន្លងទៅថ្មីៗនេះមន្ត្រីរដ្ឋបាលព្រៃឈើខេត្តនិងប៉ូលិសសេដ្ធកិច្ចខេត្ត បានបង្ក្រាបរថយន្តដឹកឈើធ្នង់១គ្រឿងនៅក្នុងស្រុកហើយក៏ដោះលែងស្ងាត់ៗអោយទៅវិញយ៉ាងរលូន។ទោះជាយ៉ាងណាក៍ដោយ មជ្ឈដ្ឋានទូទៅ ក្នុងខេត្តកោះកុង គ្មានជំនឿទៅលើមន្ត្រីរដ្ឋបាល ព្រៃឈើ ក្នុងការចុះ បង្ក្រាបបទល្មើសនោះទេ ព្រោះលោក ឱម ម៉ាករី នាយខណ្ឌរដ្ឋបាលព្រៃឈើខេត្តកោះកុង ត្រូវបានគេដឹងថា គិតគូរតែរឿងប្រមូលលុយចែកគ្នាធ្វើមានធ្វើបាន។
ប្រភពពីប្រជាពលរដ្ឋរស់នៅក្នុង ក្រុងខេមភូមិន្ទ ខេត្តកោះកុង ក៏បានឲ្យដឹងដែរថា ក្នុងមូលដ្ឋានពួកគាត់មានឈ្មួញដឹកជញ្ជូនឈើ ធ្វើអាជីវកម្មខុសច្បាប់យ៉ាងពេញបន្ទុកម្នាក់ ឈ្មោះ ឯម ចាន់ ថា ជាមេបញ្ជាការអ់នុសេនា ធំលេខ៣ ប្រចាំខេត្តកោះកុង ហើយគេដឹកយក ទៅលក់បន្ត ទៅទេសវៀតណាមយ៉ាងរលូន ដោយពុំមាន សមត្ថកិច្ចណាហានប៉ះពាល់ឡើយ ដោយសារតែមន្ត្រីរដ្ឋបាលព្រៃឈើ គិតតែរឿងផលប្រយោជន៍បែបនេះហើយ ទើបបទល្មើសកាប់ឈើនិងដឹកជញ្ជូនឈើខុសច្បាប់ក្នុងខេត្តនៅតែកើតឡើងឥតឈប់ឈរ៕
