បង្ក្រាបគ្រឿងញៀន៤ករណីម្សិលមិញឃាត់ខ្លួនជនសង្ស័យ៨នាក់
រាជធានីភ្នំពេញ៖យោងតាមរបាយការណ៍របស់អគ្គស្នងការនគរបាលជាតិបានឲ្យដឹងថា នៅថ្ងៃទី០៥ ខែកក្កដា ឆ្នាំ២០១៦ ម្សិលមិញនេះកម្លាំងនគរបាលជាតិបានបង្ក្រាបបទល្មើសជួញដូរ រក្សាទុក និងប្រើប្រាស់៤ករណី ឃាត់មនុស្ស៨នាក់ (ស្រីម្នាក់) ក្នុងនោះមុខសញ្ញាជួញដូរ៥នាក់ និង មុខសញ្ញាប្រើប្រាស់៣នាក់ ដកហូតមេតំហ្វេតាមីន (ice) ៥.៩៦ក្រាម និង២២កញ្ចប់តូច។
ប្រភពដដែលបញ្ជាក់ថា ជនសង្ស័យទាំងនោះត្រូវបានឃាត់ខ្លួនដោយកម្លាំងនគរបាល រាជធានីភ្នំពេញ បង្ក្រាប១ករណីឃាត់ខ្លួន២នាក់, ខេត្តសៀមរាប បង្ក្រាប១ករណី ឃាត់ខ្លួន៣នាក់ និងខេត្តបាត់ដំបង បង្ក្រាប២ករណី (១ដីកា) ឃាត់ខ្លួន៣នាក់៕
