អូស្ដ្រាលីស្វែងរកគ្រូភាសាខ្មែរទៅបង្រៀនជនស្វែងសិទ្ធិជ្រកកោននៅកោះណារូក្រសួងរដ្ឋា ភិបាលអូស្ដ្រាលីកំពុងតែស្វែងរកគ្រូបង្រៀនខ្មែរនៅអូស្ដ្រាលីដែលមានជំនាញភាសាអង់ គ្លេសផងនោះ ដើម្បីទៅបង្រៀនភាសាខ្មែរនៅកោះណារូនៅសមុទ្ទប៉ាស៊ីហ្វិក។
អូស្ដ្រាលីកំពុងស្វែងរកគ្រូភាសាខ្មែរទៅបង្រៀនជនស្វែងសិទ្ធិជ្រក កោននៅកោះណារូការវិវឌ្ឍចុងក្រោយនេះ គឺកើតឡើងក្រោយពី ខែកញ្ញាកន្លងទៅនេះ រដ្ឋាភិបាលកម្ពុជា និងអូស្ដ្រាលីបានចុះហត្ថលេខាលើអនុស្សារណៈនៃការយោគយល់គ្នាមួយ មានទឹកប្រាក់៤០លានដុល្លារអូស្ដ្រាលី ក្នុងការបញ្ជូនជនស្វែងសិទ្ធិជ្រកកោនពីកោះណារូឲ្យទៅតាំងទីលំនៅ ថ្មីនៅប្រទេសកម្ពុជា ដោយហេតុថា រដ្ឋាភិបាលអូស្ដ្រាលីមានគោលនយោបាយមិនទទួលយកជនទាំងនោះឲ្យមករស់ នៅលើទឹកដីអូស្ដ្រាលីទេ។
នៅក្នុងកិច្ចព្រមព្រៀង អូស្ដ្រាលីក៏នឹងរ៉ាប់លើចំណាយផ្សេងៗទៀតដែរសម្រាប់កិច្ចការតាំង ទីលំនៅរបស់ជនភៀសខ្លួនទាំងនោះ។
កិច្ចព្រមព្រៀងនេះបានទាក់ ទាញការរិះគន់យ៉ាងច្រើនពីសំណាក់ពលរដ្ឋខ្មែរនៅប្រទេសកម្ពុជា ក៏ដូចជាពលរដ្ឋខ្មែរនៅអូស្ដ្រាលី ហើយសកម្មជនសិទ្ធិមនុស្ស និងគណបក្សប្រឆាំងអូស្ដ្រាលី និងគណបក្សប្រឆាំងកម្ពុជាក៏ជំទាស់ទៅនឹងកិច្ចព្រមព្រៀងនេះដែរ ដោយពួកគេលើកឡើងថា កម្ពុជាដ៏ក្រីក្រមិនទាន់ត្រៀមខ្លួនរួចរាល់ក្នុងការទទួលយកជនភៀស ខ្លួនទេ។
ប្រភពព័ត៌មានដែលវិទ្យុអូស្ដ្រាលីទទួលបានក៏បានឲ្យ ដឹងដែរថា កម្មវិធីទៅបង្រៀនភាសាខ្មែរនៅកោះណារូនេះ គឺពីខែមករា ដល់ខែមីនាឆ្នាំ២០១៥ក្រោយនេះ ហើយឥឡូវនេះរដ្ឋាភិបាលកំពុងស្វែងរកគ្រូខ្មែរនៅអូស្ដ្រាលីទៅ បង្រៀននៅកោះណារូ។
កាលពីសប្ដាហ៍មុននេះ លោកស្រី Sarah Hanson-Young សមាជិកព្រឹទ្ធសភាអូស្ដ្រាលីពីគណបក្ស The Greens បានធ្វើដំណើរទៅកម្ពុជា១អាទិត្យក្នុងបេសកកម្មស្វែងរកការពិត ជុំវិញស្ថានភាពជាក់ស្ដែងនៅកម្ពុជាសព្វថ្ងៃដែលជនភៀសខ្លួន អូស្ដ្រាលីអាចប្រឈមមុខនៅពេលពួកគេទៅដល់កម្ពុជា។
លោកស្រី បានឲ្យដឹងថានៅកម្ពុជាសព្វថ្ងៃមានជនភៀសខ្លួន៦៣នាក់ និង២១នាក់ទៀតជាជនស្វែងសិទ្ធិជ្រកកោន។ក្រោយបានទៅឃើញស្ថានភាពតោកយ៉ាករបស់ពលរដ្ឋខ្មែររស់នៅតាមជាយក្រុង ក្ររហេមរហាមដើររើសសំរាម និងបានជួបជាមួយនឹងជនភៀសខ្លួនមួយចំនួននៅកម្ពុជា លោកស្រីបានសរសេរនៅលើទំព័រ Facebook របស់លោកស្រីថា ពួកគេគ្មានអនាគតនៅក្នុងប្រទេសកម្ពុជានេះទេ។
ប៉ុន្ដែយ៉ាងណាក៏ដោយ នៅសប្ដាហ៍នេះមានរបាយការណ៍ថានៅក្នុងលិខិតឆ្លើយតបរបស់លោក ហ៊ុន សែន ទៅរដ្ឋសភាលោកបាននិយាយការពារចំពោះកិច្ចព្រមព្រៀងទទួលយកជនភៀសខ្លួននេះ៕
