រាជធានីភ្នំពេញ៖ដោយសារតែមានវិបត្តិរឿងជីវិតញ៉ាំញីខ្លាំងពេក បុរសខ្មែរអ៊ិស្លាមម្នាក់បានសម្រេចចិត្តបញ្ចប់ជីវិតដោយចង.កសម្លាប់ខ្លួនលើដើមអំពិលទឹក។ ហេតុការណ៍ភ្ញាក់ផ្អើលនេះកើតឡើងនៅវេលាម៉ោង០៦ និង៣០នាទីថ្ងៃទី០១ ខែសីហា ឆ្នាំ២០១៦នេះ ស្ថិតនៅក្បែរខ្ទមស្នាក់នៅតាមច្រាំងទន្លេជ្រោយចង្វា។
ប្រជាពលរដ្ឋនៅក្បែរកន្លែងកើតហេតុមានឲ្យដឹងថា ជនរងគ្រោះដែលស្លាប់ឈ្មោះអ៊ួន យូសះ អាយុ២៤ឆ្នាំ ជនជាតិខ្មែរអ៊ីស្លាម និងជាអ្នកនេសាទត្រី មានទីលំនៅក្បែរកន្លែងកើតហេតុ និងមានប្រពន្ធ តែមានទំនាស់គ្នាបានរត់ចោល៧ខែមកហើយ។ ប្រភពបន្តថា រវាងទាំង២នាក់ប្តី-ប្រពន្ធនេះ គេមិនដឹងថា មានទំនាស់រឿងអ្វីនោះទេ ទើបត្រូវប្រពន្ធរត់ចោលបែបនេះ។
ប្រភពដដែលបញ្ជាក់ថា មុនកើតហេតុ បុរសរងគ្រោះបានទៅលេងផ្ទះប្រពន្ធ តែត្រូវម្តាយក្មេកមិនអនុញ្ញាតឱ្យចូល។ លុះមកដល់ផ្ទះវិញ ក៏មានទំនាស់ជាមួយឪពុកម្តាយបង្កើតទៀត ទើបធ្វើឱ្យបុរសនេះ ខូចចិត្តកាន់តែខ្លាំង រហូតជ្រើសរើសផ្លូវស្លាប់បែបនេះតែម្តង៕
