ការគំរាមរបស់កូរ៉េខាងជើងធ្វើឲ្យអាមេរិក និងជប៉ុន ស្នើកោះប្រជុំ UN ជាបន្ទាន់
វ៉ាស៊ីនតោន៖ការគំរាមរបស់កូរ៉េខាងជើងនារយះពេលចុងក្រោយនេះ បានធ្វើឲ្យសហរដ្ឋអាមេរិកនិងប្រទេសជប៉ុន ដាក់សំណើបន្ទាន់មួយទៅកាន់ក្រុមប្រឹក្សាសន្តិសុខ នៃអង្គការសហប្រជាជាតិ ឲ្យបើកអង្គប្រជុំមួយ ដើម្បីដោះស្រាយបញ្ហាដែលបង្កឡើង ដោយការបាញ់គ្រាប់មីស៊ីល របស់ប្រទេសកូរ៉េខាងជើង។
សម្រាប់ការកោះប្រជុំបន្ទាន់នេះ មិនមានអ្វីក្រៅតែពីការរិះរក ទណ្ឌកម្មបន្ថែមទៀត ពីសំណាក់ប្រទេស សមាជិកទាំង១៥ របស់ UNSC ទៅលើកូរ៉េខាងជើងនោះទេ ព្រោះការបាញ់សាកល្បងគ្រាប់មីស៊ីល ទាំងពីរគ្រាប់ព្រឹកមិញនេះ ត្រូវបានប្រទេសជប៉ុន ហៅថាជាការគំរាមដល់សន្តិសុខ ក្នុងតំបន់យ៉ាងខ្លាំង ដោយសារតែមីស៊ីលមួយគ្រាប់ បានធ្លាក់ចូលទៅក្នុងដែនទឹករបស់ជប៉ុន កាលពីព្រឹកថ្ងៃពុធនេះ៕
