អង់ការ៉ា៖ថ្លែងទៅកាន់អ្នកគាំទ្រលោកប្រធានាធិបតីតួកគីបានបានអះអាងថា លោកនឹងអនុម័តឲ្យមានការយកច្បាប់កាត់ទោសប្រហារជីវិត មកអនុវត្តន៍ឡើងវិញ ប្រសិនបើរដ្ឋសភា និងសាធារណជនបង្ហាញការគាំទ្រលើរឿងនេះព្រមៗគ្នា។ នេះបើតាមសារព័ត៌មាន BBC ចេញផ្សាយនៅព្រឹកថ្ងៃនេះ។
ការថ្លែងបែបនេះរបស់លោក Recep Tayyip Erdogan បានធ្វើឡើងនៅក្នុងការជួបជុំដ៏ធំមួយលើដំបូងនៅទីលានកណ្តាលទីក្រុង អ៊ីស្តង់ប៊ុល បន្ទាប់ពីរដ្ឋប្រហារទទួលបរាជ័យទាំងស្រុង ដែលត្រូវបានគេអះអាងថា មនុស្សជាង១លាននាក់ចូលរួម។ ជាមួយគ្នានោះលោក Erdogan បានប្តេជ្ញាចំពោះមុខក្រុមអ្នកគាំទ្រថា លោកនឹងបោសសម្អាតឲ្យអស់នូវក្រុមអ្នកគាំទ្រមេខ្លោងធ្វើរដ្ឋប្រហារ Fethullah Gulen ដែលកំពុងរស់នៅសហរដ្ឋអាមេរិក។
គួរបញ្ជាក់ថា ច្បាប់កាត់ទោសប្រហារនេះត្រូវបានប្រទេសតួកគីបោះបង់ចោលតាំងពីឆ្នាំ២០០៤មកម្ល៉េះ៕
