អាមេរិកចោទចិនសាងសង់ព្រលានយន្តហោះយោធាលើកោះមានជម្លោះ
វ៉ាស៊ីនតោន៖អាមេរិកបានចោទប្រកាន់ប្រទេសចិនថា កំពុងកសាងព្រលានយន្តហោះយោធា នៅលើប្រជុំកោះ ស្ព្រាតលី ដែលកំពុងមានជម្លោះក្នុងតំបន់សមុទ្រចិនខាងត្បូង ដោយផ្អែកលើរូបភាពដែលថតបានតាមប្រព័ន្ធផ្កាយរណប។ នេះបើតាមកាសែត New York Times ចេញផ្សាយនាព្រឹកថ្ងៃអង្គារ ទី០៩ ខែសីហា ឆ្នាំ២០១៦។
សម្រាប់រូបភាពថ្មីដែលទើបនឹងថតបាននេះ គឺគេពុំទាន់ឃើញមានយន្តហោះចម្បាំងនោះទេ តែក្រុមអ្នកជំនាញអាមេរិកបានអះអាងថា ព្រលានយន្តហោះដែលកំពុងកសាងនេះ វាប្រាកដណាស់ថាសម្រាប់ ឲ្យយន្តហោះចម្បាំងមកពីកងទ័ពអាកាសចិនធ្វើការចុះចត។ យ៉ាងណាក៏ដោយនេះ គ្រាន់តែជាការអះអាងរបស់ វិទ្យាស្ថានសិក្សាអន្តរជាតិ ស្តីពីយុទ្ធសាស្ត្រ (CSIS) think thank របស់អាមេរិកតែប៉ុណ្ណោះ៕
