ដោយ៖ប៉ែន សុផល
ខេត្តបាត់ដំបង៖បាក់ដៃម្នាក់ និងម្នាក់ទៀតបែកក្បាលដោយគ្រោះថ្នាក់ចរាចរណ៍នៅវេលាម៉ោង២៣ និង៣០នាទីថ្ងៃទី១១ សីហា ២០១៦ ចំណុចមុខសណ្ឋាគារ Victoria ក្នុងភូមិរំចេក៣ សង្កាត់រតនះ។ គ្រោះថ្នាក់នេះកើតឡើង១រវាងម៉ូតូ និងរថយន្តក្រុងវរៈប៊ុនថាំពាក់ស្លាកលេខ3C8519pp បណ្តាលអោយរបួសមនុស្សប្រុស២នាក់រងរបួស ធ្ងន់និងស្រាល ។
ទី១.ឈ្មោះ ពេជ្រ ស៊ីគង់ ប្រុស អាយុ២៥ឆ្នាំ ជនជាតិខ្មែរ បច្ចុប្បន្នភូមិវត្តតាមិម ឃុំអូរដំបង១ ស្រុកសង្កែ ខេត្តបាត់ដំបងរងរបួសបាក់ដៃខាងស្តាំ២កំណាត់។ ទី២.ឈ្មោះ សំ កក្កដា ប្រុសអាយុ២១ឆ្នាំ ជនជាតិខ្មែរ បច្ចុប្បន្នរស់នៅភូមិចំការឫស្សីសង្កាតព្រែកព្រះស្តេច ក្រុង/ខេត្តបាត់ដំបង រងរបួសបែក
ក្បាលខាងឆ្វេង។ បច្ចុប្បន្នជនរងគ្រោះទាំង២នាក់កំពុង់សម្រាកព្យាបាលនៅមន្ទីរពេទ្យ សុវណ្ណក្រុងបាត់ដំបង ។
លោក អ/ឯក មែន បូរី នាយរងការិយាល័យចរាចរណ៍ផ្លូវគោកនៃស្នងការនគរបាលខេត្តបានឲ្យដឹងថា បុរស២នាក់ដែលរងរបួស គឺជាបុគ្គលិកសណ្ឋាគារមួយកន្លែងដោយចុះពីម៉ោងធ្វើការពេលយប់ដើម្បីត្រឡប់ទៅផ្ទះវិញជិះម៉ូតូម៉ាក Click សេរីឆ្នាំ២០១៧ ពណ៌ស ពាក់ស្លាកលេខ 1U 7293 ប.ប ធ្វើដំណើរពីត្បូងទៅជើងដោយបើកបរក្នុងល្បឿនលឿនជែងរថយន្ត១គ្រឿងផ្សេងទៀតដោយមិនបានប្រយ័ត្នទើបជ្រុលទៅបុកនិងរថយន្តក្រុងកំពុងបញ្ច្រាស់ទិសគ្នាបណ្តាលឲ្យមានគ្រោះថ្នាក់ ។
បច្ចុប្បន្នសមត្ថកិចជំនាញ បាននាំយករថយន្យបង្ករទាំង២គ្រឿងទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋានខេត្តបាត់ដំបង ដើម្បីរង់ចាំម្ចាស់ចូលធ្វើការដោះស្រាយតាមផ្លូវច្បាប់៕
