ឃាត់ខ្លួនជនជាតិចិន៦នាក់ពាក់ព័ន្ធករណីចាប់ជំរិត
រាជធានីភ្នំពេញ៖នៅវេលាម៉ោងប្រមាណ១១ថ្ងៃត្រង់ថ្ងៃទី១៥ ខែសីហា ឆ្នាំ២០១៦នេះ សមត្ថកិច្ចប៉ូលិសអន្តោប្រវេសន៍សហការជាមួយនគរបាលសន្តិសុខផ្ទៃក្នុងក្រសួងមហាផ្ទៃ បានចុះបង្ក្រាបជនជាតិចិនចាប់ជំរិតតាមប្រព័ន្ធអ៊ិនធើរណេត និងឃាត់ខ្លួនបាន៦នាក់ នៅភូមិគ្រឹះលេខ២៤ ផ្លូវលេខ២ ក្នុងបូរីពិភពថ្មី នៅទល់មុខសាលាសង្កាត់ភ្នំពេញថ្មី ខណ្ឌសែនសុខ ។
ភ្នាក់ងាររាយការណ៍ថា ក្នុងចំណោមជនជាតិចិនទាំង៦នាក់នោះ គឺមានស្ត្រី២នាក់ ហើយសមត្ថកិច្ចក៏បានអូសឧបករណ៍អេឡិចត្រូនិកសម្រាប់ប្រព្រឹត្តបទល្មើសចាប់ជំរិតមួយចំនួន៕
