អតីតប្រធាន FIFA លោក Havelange ទទួលមរណភាពក្នុងអាយុ១០០ឆ្នាំ
បរទេស៖លោក Joao Havelange អតីតប្រធាន FIFA និងជាសមាជិក IOC បានទទួលមរណភាពហើយកាលពីយប់មិញនេះក្នុងអាយុ១០០ឆ្នាំ។
លោក Joao Havelange បានចូលមកកាន់កាប់តំណែងជាប្រធាន FIFA ក្នុងឆ្នាំ១៩៧៤ ដល់ ១៩៩៨និង ធ្លាប់ជាសមាជិកនៃគណៈកម្មាធិការអូឡាំពិកអន្តរជាតិ (IOC) ពីឆ្នាំ១៩៦៣ដល់ឆ្នាំ ២០១១ ហើយលោកក៏បានលាលែងពីតំណែងដោយសារតែបញ្ហាសុខភាព។ ក្រោយមកលោកបានសម្រេចចិត្តលាលែងពីតំណែងប្រធានកិត្តិយសរបស់ FIFA នៅខែមេសា ឆ្នាំ ២០១៣ ដោយមានការស៊ើបអង្កេតរឿងពុករលួយត្រូវបានចូលមន្ទីរពេទ្យមួយឆ្នាំដោយសារតែជំងឺសួត។
គួរបញ្ជាក់ថា ក្នុងនាមលោកជាប្រធាន FIFA បានផ្លាស់ប្តូរការប្រកួត World Cup ដែលពីមុនមានតែ ១៦ ក្រុមឡើងរហូតដល់៣២ក្រុមផងដែរ៕
