ខេត្តកំពង់ស្ពឺ៖ជនសង្ស័យម្នាក់ ត្រូវបានកម្លាំងប៉ូលីសចាប់វ៉ៃខ្នោះ បន្ទាប់ពីបាននាំក្មួយស្រីអាយុ១១ឆ្នាំ ទៅបេះផ្កានៅលើភ្នំគិរីរម្យ ហើយបានចាប់រំលោភបានសម្រេច នាវេលាម៉ោងប្រមាណ១១ និង០០នាទី ថ្ងៃទី២៤ ខែសីហា ឆ្នាំ២០១៦។
ជនសង្ស័យ ជាឪពុកមាត្រូវបានឃាត់ខ្លួនឈ្មោះ ស៊ឿន រ៉ា អាយុ៣១ឆ្នាំ មុខរបរបេះផ្ការលក់ មានទីលំនៅភូមិថ្មី ឃុំចំបក់ ស្រុកភ្នំស្រួច ជាបុរសមានប្រពន្ធ និងកូនចំនួន៣នាក់ ចំណែកក្មេងស្រីរងគ្រោះ ត្រូវជាក្មួយស្រីខាងប្រពន្ធជនសង្ស័យ ហើយត្រូវបានជនសង្ស័យរំលោភបានសម្រេចបន្ទាប់ពីនាំទៅបេះផ្កានៅចំណុចភ្នំបៃតង លើឧទ្យានជាតិគីរីរម្យ ។
មន្ត្រីនគរបាល បានឲ្យដឹងទៀតថា មុនពេលកើតហេតុ ជនសង្ស័យបានដឹកក្មេងស្រីរងគ្រោះ ទៅបេះផ្កា នៅចំណុចភ្នំបៃតងលើឧទ្យានជាតិគីរីរម្យ ហើយបានធ្វើសកម្មភាពរំលោភ បានសំរេច ក្រោយមកត្រូវបានកម្លាំង សមត្ថកិច្ចធ្វើការឃាត់ខ្លួន បញ្ជូនមកអធិការដ្ឋាន នគរបាលស្រុកភ្នំស្រួច ដើម្បីចាត់ការតាមនីតិវិធីច្បាប់៕
