ខេត្តកណ្ដាល៖មេបញ្ជាការរងកងពលតូចដឹកជញ្ជូនលេខ៩០ម្នាក់បានស្លាប់នៅទីបញ្ជាការដ្ឋាន ស្ថិតក្នុងស្រុកអង្គស្នួល ខេត្តកណ្ដាល កាលពីវេលាម៉ោង៣ និង៥០នាទីទៀបភ្លឺថ្ងៃទី៣០ ខែសីហា ឆ្នាំ២០១៦ នេះ។
មន្ត្រីយោធាម្នាក់បានឲ្យដឹងថា កាលពីរសៀលម្សិលមិញ លោកឧត្តសេមនីយ៍ត្រី ឡុង សាវុធ មេបញ្ជាការរងកងពលតូចដឹកជញ្ជូនលេខ៩០ បានអង្គុយនៅសាឡុងមុខទីបញ្ជាការដ្ឋាន ហើយនិយាយថា «ឈឺគ្រាប់ភ្នែក» មិនបានទៅហូបបាយទេ រួចក៏ចូលទៅសម្រាកក្នុងបន្ទប់លុះដល់ម៉ោងខាងលើ គាត់ក៏បានក្រោកមកបន្ទប់ទឹក ស្រាប់តែប្រទះឃើញគាត់ស្លាប់នៅលើសួនច្បារ ខាងមុខទីបញ្ជាការបាត់ទៅហើយ ។
យ៉ាងណាក៏ដោយ លោក ឡុង សុផាន់ណា ត្រូវជាកូនបង្កើតរបស់ជនរងគ្រោះ បានបញ្ជាក់ថា ឪពុកមានជំងឺលើសឈាមជាយូរឆ្នាំមកហើយ ហើយការស្លាប់នោះអាចមកពីជំងឺប្រចាំកាយរបស់គាត់៕
