ម៉ានីល៖រយៈពេល២ខែកន្លងមកនេះ ក្រោមការគ្រប់គ្រងរបស់ប្រធានាធិបតីថ្មីរបស់ហ្វីលីពិន លោក Rodrigo Duterte វិធានការបាញ់សម្លាប់ ដើម្បីកំចាត់ អ្នករត់ពន្ធគ្រឿងញៀននៅក្នុងប្រទេស បានកើនឡើងរហូតដល់២០០០នាក់ហើយ ។ ហើយយុទ្ធនាការបាញ់សម្លាប់អ្នកជួញដូរគ្រឿងញៀននេះហាក់បីដូចជា មានសភាពសាហាវឃោឃៅ បើទោះជាសហរដ្ឋអាមេរិកព្រមានយ៉ាងណាក្តី ក៏ដំណើរការនៃយុទ្ធនាការរបស់លោក ប្រធានាធិបតីហ្វីលីពីន លោក Rodrigo Duterte នៅតែបន្តយ៉ាងមុតមាំ។
ក្រុមប៉ូលិសហ្វីលីពិន បានធ្វើសេចក្តីការណ៏ថា កន្លងមកពួកគេបានធ្វើការបាញ់សម្លាប់អ្នករត់ពន្ធគ្រឿងញៀន ចំនួន៩០០នាក់ នេះបើគិតចាប់ពីថ្ងៃ០១ ខែកក្កដា មកត្រឹមថ្ងៃទី២០ ខែសីហា។
ដោយឡែក កាលពីសប្តាហ៍មុននេះ ក្រុមប៉ូលិសក៏បានបាញ់សម្លាប់អ្នករត់ពន្ធគ្រឿងញៀនចំនួន១១០០នាក់ទៀត ដោយគិតមកដល់បច្ចុប្បន្ន ចំនួននៃអ្នករត់ពន្ធគ្រឿងញៀន នៅក្នុងប្រទេសហ្វីលីពិន ដែលត្រូវបានបាញ់សម្លាប់បានកើនឡើងរហូតដល់២០០០នាក់៕
