ភ្នំពេញ៖ នគរបាលព្រហ្មទណ្ឌកម្រិតធ្ងន់រាជ ធានីភ្នំពេញ គ្រោងនឹងបញ្ជូនប្តី-ប្រពន្ធ២នាក់ ដែលត្រូវជាឪពុក-ម្តាយរបស់(លោកឧកញ៉ា) ថោង សារ៉ាត់ ទៅសាលាដំបូងរាជធានីភ្នំពេញ នៅព្រឹកថ្ងៃទី៥ ខែធ្នូ នេះ ។សមត្ថកិច្ចនគរបាលបានឲ្យដឹងថា ការឃាត់ និងនាំខ្លួនអ្នកទាំងពីខាងលើនេះគឺដើម្បីសាកសួរតាមនីតិវិធីករណីពាក់ព័ន្ធបទរារាំង និងរំខានដល់ការងារស៊ើបអង្កេត និងបង្ក្រាបរបស់សមត្តកិច្ច និងបទលាក់ទុកអាវុធខ្លីចំនួន៦ដើមដោយគ្មានច្បាប់អនុញ្ញាត។
ប្រភពបន្តថា បុរសជាប្តីឈ្មោះថោង ចំរើន អាយុ៦៧ឆ្នាំ នឹង ស្ត្រីជាភរិយាឈ្មោះកែវ សារី ហៅចែហាយ អាយុ៥៥ឆ្នាំ មានអាស័យដ្ឋានស្នាក់នៅភូមិគ្រិះ៩៩៩ តាមបណ្តោយផ្លូវជាតិលេខ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ។
ប្រភពបន្តថា លោក ថោង ចំរើន និងអ្នកស្រី កែវ សារី ហៅចែហាយ ដែលត្រូវជាឪពុកម្ដាយរបស់ជនត្រូវចោទ(ឧកញ៉ា) ថោង សារ៉ាត់ កាលពីរសៀល ថ្ងៃទី៣ ខែធ្នូ ឆ្នាំ២០១៤ ពិតជាមានចេតនា ទុច្ចរិត ខណៈរៀបចំធ្វើសន្និសីទសារព័ត៌មាន ក្នុងគោលបំណងរារាំងដល់ការស៊ើបអង្កេត និងប្រតិបត្ដិការរបស់សមត្ថកិច្ច ដោយទុកឱកាសឱ្យកូនប្រុសរត់គេចខ្លួន ព្រមទាំងបរិហារកេរ្ដិ៍ ផ្សព្វផ្សាយព័ត៌មានមិនពិតប៉ះពាល់ដល់ថ្នាក់ដឹកនាំខណៈសមត្ថកិច្ចកំពុងធ្វើកិច្ចការស្រាវជ្រាវយ៉ាងមមាញឹក៕ រដ្ឋា
ម្តាយឧកញ៉ាថោង សារ៉ាត់
