ដោយ៖ប៉ែនសុផល
បាត់ដំបង៖បុរសវ័យ៤២ឆ្នាំម្នាក់ដោយតូចចិត្តមានជំងឺប្រចាំកាយបានសម្រេចចិត្តផឹកថ្នាំបាញ់សៅ
សម្លាប់ខ្លួនដែលករណីផឹកថ្នាំសម្លាប់ខ្លួននេះនៅវេលាម៉ោង២ និង៣៥ នាទីទៀបភ្លឺ ថ្ងៃទី៧ ខែកញ្ញា ឆ្នាំ ២០១៦ នៅភូមិដំណាក់អំពិលឃុំបារាំងធ្លាក់ ស្រុកភ្នំព្រឹក។
លោកអធិការស្រុកភ្នំព្រឹកបានឲ្យដឹងថា ជនរងគ្រោះឈ្មោះ យឿន យេត ភេទប្រុស អាយុ៤២ឆ្នាំ រស់នៅភូមិឃុំកើតហេតុខាងលើបានយកថ្នាំបាញ់សម្លាប់ស្មៅមកផឹក ហើយបានស្លាប់នៅពេលបញ្ជូនដល់មន្ទីរពេទ្យបង្អែកខេត្តបាត់ដំបង ។ លោកអធិការបញ្ជាក់ថា ព្រោះមានជំងឺប្រចាំកាយពិបាកក្នុងការរស់នៅប្រចាំថ្ងៃទើបសម្រេចចិត្តធ្វើអត្តឃាត់ដោយខ្លួនឯង។
បន្ទាប់ពីហេតុការណ៍បានកើតឡើងសមត្ថកិច្ចបានចុះដល់កន្លែងកើតហេតុដើម្បីត្រួតពិនិត្យនិងធ្វើកោសលវិច្ច័យសម្រេចថាសាកសពខាងលើប្រាកដជាស្លាប់ដោយផឹកថ្នាំបាញ់ស្មៅពិតមែន។
បច្ចុប្បន្នសាកសពត្រូវបានប្រគល់ឲ្យទៅសាច់ញ្ញាតិដើម្បីទទួលយកទៅធ្វើបុណ្យតាមប្រពៃណី ៕
