ដោយ៖ប៉ែន សុផល
បាត់ដំបង៖ថ្ងៃទី១២ ខែកញ្ញា ឆ្នាំ២០១៦នៅវេលាម៉ោង១២ និង១៥នាទីថ្ងៃត្រង់នៅចំណុច វាលម្ជុល ភូមិចម្លងរមាំងលើ ឃុំអូរសំរិល ស្រុកសំឡូតមានករណីគ្រោះចរាចរណ៍ដោយគ្មានអត្តសញ្ញាណ ដោយក្រឡាប់រឺម៉កត្រាក់ទរ័ ។
អ្នកបើកបរក្នុងករណីគ្រោះថ្នាក់នេះឈ្មោះ គឹម ទិត្យ ភេទប្រុសអាយុ៣០ឆ្នាំ រស់នៅភូមិដង្កោទៀប សង្កាតទួលតាឯក ក្រុង/ខេត្តបាត់ដំបង បច្ចុប្បន្នស្នាក់នៅបណ្តោះអាសន្នក្នុងដីចំការឈ្មោះ ជា សៀកហុងនៅ ក្នុងភូមិចម្លងរមាំងលើ ឃុំអូរសំរិលស្រុកសំឡូតខេត្តបាត់ដំបង បានបើកបរត្រាក់ទ័រចេញពី រោងចំការពីកើតទៅលិចដឹកកម្មករប្រមាណ២០នាក់ដោយខ្វះការប្រុងប្រយ័ត្នបណ្តាលឲ្យក្រឡាប់ធ្វើឲ្យរបួសធ្ងន់ស្ត្រីម្នាក់ឈ្មោះ ឡោ ពូន រស់នៅភូមិរកា ឃុំរកា ស្រុកសង្កែ ខេត្តបាត់ដំបង និងស្លាប់ម្នាក់ឈ្មោះ ណុយ ភេទប្រុស អាយុ៤៧ឆ្នាំរស់នៅភូមិរកា ឃុំរកា ស្រុកសង្កែខេត្តបាត់ដំបង បន្ទាប់ពីបានបញ្ជូនដល់មន្ទីរបង្អែកខេត្តបាត់ដំបងទាំង២នាក់គឺជាប្តីប្រពន្ធនិងគ្នាបានស្នាក់នៅជាបណ្តោះអាសន្តក្នុងចំការឈ្មោះជា សៀកហុង ស្ថិតក្នុងភូមិចម្លងរមាំង លើឃុំអូរសំរិល ស្រុកសំឡូត ខេត្តបាត់ដំបង។
បន្ទាប់ហេតុការណ៍នេះបានកើតឡើងមកអ្នកបើកបរត្រាក់ទ័របានរត់គេចខ្លួនបាត់ស្រមោលពីកន្លែងកើតហេតុ ។
ក្រោយហេតុការណ៍បានកើតឡើងក្រុមសមត្ថកិច្ចជំនាញបានចុះដល់កន្លែងកើតហេតុដើម្បីត្រួតពិនិត្យ និងរៀបចំណំឯកសាទៅតាមផ្លូវច្បាប់និងនាំយករថយន្តបង្កទៅរក្សាទុកអធិការដ្ឋានស្រុកដើម្បីរង់ចាំធ្វើការដោះស្រាយនៅពេលក្រោយ៕
