ភ្នំពេញ៖បង្គោលភ្លើងមួយដើម មានទីតាំងស្ថិតនៅតាមបណ្ដោយផ្លូវបេតុង ភូមិត្រពាំងក្រសាំង សង្កាត់ត្រពាំង ក្រសាំង ខណ្ឌពោធិ៍សែនជ័យ រាជធានីភ្នំពេញ។ សង្ស័យរថយន្តកុងតឺន័រឬរថយន្តដឹកទំនិញខ្ពស់ៗបើកទាក់បណ្ដាលឲ្យដួល កាលពីវេលាយប់ថ្ងៃទី១៥ ខែកញ្ញា ឆ្នាំ២០១៦នោះ បានបង្កឲ្យមានការភ័យខ្លាចដល់ប្រជាពលរដ្ឋ មិនហ៊ានចូលទៅជិតព្រោះខ្លាច ឆក់ស្លាប់ ហើយកំណាត់ផ្លូវបេតុងខាងលើ ក៏ត្រូវបានកាយ់ផ្ដាច់មិនអាចធ្វើចរាចរទៅមកបានឡើយ។
បង្គោលភ្លើងនោះមានប្រអប់កុងទ័រ ជាច្រើនប្រអប់និងខ្សែកាបភ្លើង ជ្រើនសសៃ តោងនៅលើនោះផង បានដួលរលំកាត់ទទឹងផ្លូវ ស្ទើរតែដល់ដីហើយក៏មាន ខ្សែភ្លើងធ្លាក់រាយប៉ាយពាសពេញផ្លូវដែរ សង្ស័យថា ត្រូវរថយន្តដឹកសំពីងសំពោងបើកទាក់។ព្រោះកន្លងមកធ្លាប់ត្រូវបាន រថយន្តបើកទាក់ម្ដងរួចមកហើយ ប៉ុន្តែមិនដួលហើយបានខ្សែភ្លើងនោះ បានធ្លាក់យារទាបយូរ ខែមកហើយ ដែរ គឺតាំងពីមុនពេលដែលបង្គោលថ្មនេះ ត្រូវដួលរលំមកម្លេះ ។ហើយរថយន្តដឹកទំនិញធំៗ ជាពិសេសក្រុម រថយន្តដឹកដែក អេតចាយចេញចូល ឃ្លាំងអេតចាយនៅជាប់នោះ ពេលបើកឆ្លងកាត់ម្ដងៗ គេបានយកឈើទល់ឡើងលើ ទើបបើកទៅរួចម្ដងមួយៗ ប៉ុន្តែមិនមាននរណាម្នាក់អើពើកែសម្រួលនោះឡើយ ទុករហូតដល់ត្រូវរថយន្ត ទាក់ដួលរលំ ហើយរកមុខអ្នកបង្កមិនឃើញទៀតផង៕
