ដោយ៖ប៉ែន សុផល
បាត់ដំបង៖កាលពីព្រឹកថ្ងៃទី១៧ កញ្ញា ២០១៦ មានរៀបចំប្រារព្វពិធី ដោយរដ្ឋបាលស្រុកបាណន់បានគោរពស្នើរសុំ សម្តេចក្រឡាហោម ស ខេង ដើម្បីយកទីតាំងដីជាប់ជើងភ្នំ និងមាត់បឹងកសិណខាងមុខប្រាសាទបាណន់មានទំហំ ១៩.៩៨៤m2 ដែរជាដីក្នុងដែនសមត្ថកិច្ច របស់រដ្ឋបាលស្រុកបាណន់ និងក្រសួងវប្បធម៍ និងវិចិត្រសិល្បៈគ្រប់គ្រង ដើម្បីរៀបចំធ្វើជា ឧទ្យានរុក្ខជាតិសម្តេចក្រឡាហោមស ខេង ។
ដូចមានពាក្យស្លោកពោលថាបាត់បង់ព្រៃឈើនាំមកនូវគ្រោះមហន្តរាយ ព្រៃឈើជាប្រភពធន់ធាន និងសុខភាព ព្រៃឈើបំរើសេវា ទេសចរធម្មជាតិ ការដាំកូនឈើនិងព្រៃឈើជាកាតព្វកិច្ចរបស់យើងទាំងអស់គ្នា ព្រៃឈើផ្តល់ប្រយោជន៍ដល់មនុស្សគ្រប់រូប រុក្ខជាតិទិវា គឺជាទិវាកសាងសម្បត្តិមនុស្ស ។ ដោយមើលឃើញសក្តានុពលក្នុងតំបន់នេះសម្រាប់ភ្ញាវទេសចរចូលមកកម្សាន្ត និងធ្វើឲ្យតំបន់ឧទ្យានរុក្ខជាតិសម្តេចក្រឡាហោម ស ខេង ក្លាយទៅជាតំបន់ឧទ្យានរុក្ខជាតិគួរឲ្យចាប់អារម្មណ៍ ទើបឯកឧត្តម នាយឧត្តមសេនីយ៍ សុខ ផល អគ្គនាយកនៃអគ្គនាយកដ្ឋានអន្តោប្រវេសន៍ និងជាប្រធានក្រុមការថ្នាក់ជាតិចុះជួយស្រុកបាណន់ បានជួយឧបត្ថម្ភគាំទ្រនូវថវិការក្នុងការនាំកូនឈើ ចំនួន២៣០០ដើមនិងកូនត្រី ចំរុះចំនួន៣៥.០០០ក្បាលទៅប្រលេងក្នុងបឹងកសិណមុខប្រាសាទបាណន់មានទំហំប្រមាណ៣៩.៥៦០m2 និងជម្រៅជាង៥ម៉ែត្រ ជាអំណោយរបស់ព្រះតេជគុណ សម វិរៈ ព្រះមេគណស្រុកមង្គលបុរី ។
ក្នុងឱកាសនោះផងដែរ ដោយភ្ជាប់ជាមួយកម្មពិធីព្រកលែងកូនត្រីក្នុងឧទ្យានរុក្ខជាតិនិងបឹងកសិណខាងមុខប្រាសាទបាណន់ សម្តេចក្រឡាហោម ស ខេងបានអញ្ជើញបើកការដ្ឋានស្ថាបនាផ្លូវក្រាលកៅស៊ូ ប្រភេទ DBST ១ខ្សែ ប្រវែង៧.០០០ម៉ែត្រx៦ម៉ែត្រលើផ្លូវខេត្តលេខ១៥៧១ ដែលស្ថាបនាដោយមន្ទីរសាធារណៈការ និងដឹកជញ្ជូនខេត្តបាត់ដំបងដោយចាប់ពីភូមិភ្នំគល់ ឃុំកន្ទឺ២ ដល់ចំណុចរង្វង់មូលយាយទូលក្រូច ក្នុងភូមិចែង ឃុំចែងមានជ័យ ស្រុកបាណន់ខេត្តបាត់ដំបង៕
