សាលា​រាជធានី​ភ្នំពេញ​អនុញ្ញាត​ឲ្យ​បក្សប្រឆាំង​ប្រារ​ព្ឋ​ទិវា​ប្រកាស​រដ្ឋធម្មនុញ្ញ
ដោយ មេគង្គ ប៉ុស្តិ៍ ចេញផ្សាយ​ ថ្ងៃទី 23 September, 2016 ក+ ក-

រាជធានី​ភ្នំពេញ​៖​សាលា​រាជធានី​ភ្នំពេញ​បានអនុញ្ញាត​ឲ្យ​គណបក្ស​សង្គ្រោះ​ជាតិ​រៀបចំ​ពិធី​អបអរសាទរ​ខួប​ឆ្នាំ​ទី​២៣ ទិវា​ប្រកាស​រដ្ឋធម្មនុញ្ញ (២៤ កញ្ញា ១៩៩៣-២៤ កញ្ញា ២០១៦ ) នៅ​ទីស្នាក់ការ​កណ្តាល​គណបក្ស​សង្គ្រោះ​ជាតិ ស្ថិតក្នុង​សង្កាត់​ចាក់អង្រែលើ ខណ្ឌមានជ័យ ។ ការអនុញ្ញាត​នោះ យោងតាម​ការស្នើសុំ​រប​ស់​គណបក្ស​សង្គ្រោះ​ជាតិ​ផងដែរ​។​
​អ្នកនាំពាក្យ​សាលា​រាជធានី​ភ្នំពេញ បាន​ប្រាប់​អ្នកសារព័ត៌មាន​ថា នៅ​រសៀល​ថ្ងៃទី​២៣ កញ្ញា​នេះ សាលា​រាជធានី​ភ្នំពេញ​នឹង​បើក​កិច្ចប្រជុំ​មួយ​ជាមួយ​តំណាង​គណបក្ស​សង្គ្រោះ​ជាតិ ដើម្បី​រៀបចំ​សណ្តាប់ធ្នាប់ សន្តិសុខ​នៅ​ទីស្នាក់ការ​គណបក្ស​។​
​បើតាម​លិខិត​ស្នើសុំ​របស់ CNRP ពិធី​អបអរសាទរ​រំ​ឮ​ក​ខួប​ទិវា​ប្រកាស​រដ្ឋធម្មនុញ្ញ​នេះ នឹង​ប្រព្រឹត្តទៅ​ចាប់ពី​ម៉ោង​៨​ព្រឹក​ដល់​ម៉ោង​១២​ថ្ងៃត្រង់​ថ្ងៃទី​២៤​កញ្ញា ក្រោម​អធិបតីភាព​លោក សម រង្ស៊ី (​តាមរយៈ​វីដេអូ​ខន​ហ្វើ​រិ​ន​)​និង​លោក កឹម សុខា ដោយមាន​សកម្មជន​និង​ប្រជាពលរដ្ឋ​ប្រមាណ​៥០០​នាក់​ចូលរួម៕

813f34d0-974a-4b2c-9278-a69e0a24f572