ខេត្តកណ្តាល៖បុរសម្នាក់ផឹកស្រាស្រវឹងរួចបានដើរទៅឈរលើស្ពាន ហើយលោតចុះទៅក្នុងទឹកព្រែកដែលកំពុងហូរយ៉ាងខ្លាំងបណ្តាលឲ្យលង់ស្លាប់ដោយពុំមានអ្នកទៅជួយទាន់។ ហេតុការណ៍នេះកើតឡើងកាលពីវេលាម៉ោង១២និង០០នាទីថ្ងៃទី១៨តុលាឆ្នាំ២០១៦នៅចំណុចលើស្ពានព្រែកថ្មីស្ថិតក្នុងភូមិកំពង់ស្វាយ២ ឃុំកំពង់ស្វាយ ស្រុកកៀនស្វាយ. ខេត្តកណ្តាល។
ជនរងគ្រោះមានឈ្មោះ ស៊ុំ សេរី(ហៅតី)ភេទប្រុសអាយុ៣៧ឆ្នាំ(ខ្មែរ)មុខរបរកសិករមានទីលំនៅភូមិកំពង់ស្វាយ ឃុំកំពង់ស្វាយ. ស្រុកកៀនស្វាយខេត្តកណ្តាល។
តាមប្រភពពីប្រជាពលរដ្ដដែលនៅចាំដងត្រីនៅមាត់ច្រាំងក្បែរៗនោះបានឲ្យដឹងថា មុនពេលកើតហេតុគេឃើញជនរងគ្រោះស្រវឹងស្រាដើរមកលើស្ពានព្រែកថ្មីបន្ទាប់មកក៏លោតចុះពីលើស្ពានទៅក្នុងទឹកព្រែកដែលកំពង់ហូរយ៉ាងខ្លាំងបាត់មិនឃើញឡើងមកលើគោកវិញសោះ។ លុះរហូតមកដល់ម៉ោង១២និង៣០នាទីថ្ងៃត្រង់ក្រុមគ្រួសាររបស់ជនរងគ្រោះទើបដឹងហើយបានទៅជួលញាតិជិតខាងឲ្យជួយចុះរាវរកក៍ឃើញជនរងគ្រោះស្លាប់នៅក្នុងទឹកបាត់ទៅហើយរួចបានយកសពជនរងគ្រោះមកផ្ទះហើយក្រុមគ្រួសារសពបានប្រាប់ទៅសមត្ថកិច្ចប៉ុស្តិ៍នគរបាលរដ្ឋបាលឃុំកំពង់ស្វាយ បន្ទាប់មកកំលាំងនគរបាលប៉ុស្តិ៍សហការជាមួយផ្នែកជំនាញអាជ្ញាធរមូលដ្ឋាននិងក្រុមគ្រួសារជនរងគ្រោះចុះពិនិត្យសពនិងបញ្ចាក់ថា សពពុំមានស្លាកស្នាមអ្វីគួរឲ្យកត់សំគាល់ទេគឺសពជនរងគ្រោះស្លាប់ដោយសារលង់ទឹក៕
