កម្មកររោងចក្រ «Orient Spring» ធ្វើកូដកម្មទាមទារ២ចំណុច
រាជធានីភ្នំពេញ៖នៅព្រឹកថ្ងៃទី២១ ខែតុលា ឆ្នាំ២០១៦ កម្មកររោងចក្រកាត់ដេរសំលៀកបំពាក់ «Orient Spring» ប្រមាណជិត៣០០នាក់បាននាំធ្វើកូដកម្មនៅមុខរោងចក្រទាមទារឲ្យថៅកែរោងចក្រ ដោះស្រាយបញ្ហាចំនួន២ចំណុច រួមមាន ការប្តូរកិច្ចសន្យា និងបញ្ឈប់កម្មករគ្មានមូលហេតុ ដែលនៅមិនទាន់មានដំណោះស្រាយនៅឡើយទេ។
គួរបញ្ជាក់ថា កូដកម្មនេះ ដឹកនាំដោយសហព័ន្ធសហជីព សេរីភាពកម្មករខ្មែរ ធ្វើឡើង នៅមុខរោងចក្រកាត់ដេរសំលៀកបំពាក់ «Orient Spring» ស្ថិតនៅផ្លូវវេងស្រេង ក្រុម៣ ភូមិដំណាក់ធំ ៣សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ៕
