ព្យុះទីហ្វុង Haima វាយប្រហារហ្វីលីពីនបណ្តាលឲ្យមនុស្ស១២នាក់ស្លាប់
ម៉ានីល៖យ៉ាងហោចណាស់មនុស្សចំនួន១២នាក់បានស្លាប់បាត់បង់ជីវិត ខណៈដែលផលដំណាំ និងដីស្រែជាច្រើនហិកតារងការខូចខាតដោយសារព្យុះទីហ្វុង Super-Haima ជាព្យុះខ្លាំងក្លាជាងគេបង្អស់នៅក្នុងរយៈពេលបីឆ្នាំនេះបានបោកបក់មកលើប្រទេសហ្វីលីពីន។ នេះបើតាមសារព័ត៌មាន Channel News Asia ផ្សាយនាព្រឹកថ្ងៃសុក្រ ទី២១ ខែតុលា ឆ្នាំ២០១៦។
ប្រធានទីភ្នាក់ងារគ្រប់គ្រង និងកាត់បន្ថយគ្រោះមហន្តរាយជាតិ លោក Ricardo Jalad បានឲ្យដឹងថា ជនរងគ្រោះចំនួន០៨នាក់ក្នុងចំណោមអ្នកដែលបានបាត់បង់ជីវិតខាងលើជាប្រជាជនរស់នៅតំបន់ Cordillera។ ជាមួយគ្នានេះប្រព័ន្ធហេដ្ឋារចនាសម្ព័ន្ធរួម និងផលដំណាំប្រមាណ៦០,០០០ហិកតាត្រូវបានបំផ្លិចបំផ្លាញនៅភាគខាងជើងប្រទេស៕
