រាជធានីភ្នំពេញ៖នៅព្រឹកថ្ងៃទី២៤ ខែតុលា ឆ្នាំ២០១៦នេះកម្លាំងនគរបាលមន្ទីរប្រឆាំងគ្រឿងញៀន ក្រសួងមហាផ្ទៃបានបញ្ជូនមេខ្លោងជួញដូរគ្រឿងញៀនជនជាតិចិន២នាក់ទៅតុលាការ ក្រោយបង្ក្រាប និងចាប់ខ្លួនបាននៅខណ្ឌទួលគោក និងរឹបអូសបានថ្នាំញៀនជិត៥០គីឡក្រាម។
អនុប្រធានមន្ទីរប្រឆាំងគ្រឿងញៀន លោកឧត្តមសេនីយ៍ត្រី សាន្ត សុទ្ធី បានបញ្ជាក់ថា នៅព្រឹកនេះ យើងបានបញ្ជូនជនសង្ស័យម្នាក់ និងម្នាក់ទៀត នឹងបញ្ជូនទៅថ្ងៃ ក្រោយបញ្ចប់នីតិវិធី ជាមួយថ្នាំញៀនជាង៤៨គីឡូក្រាម។
លោកឧត្តមសេនីយ៍បានបន្តថា កាលថ្ងៃទី២០ ខែតុលាឆ្នាំ២០១៦ កម្លាំងនគរបាលមន្ទីរប្រឆាំងគ្រឿងញៀនបានបើកកិច្ចប្រតិបត្តិការបង្ក្រាបករណី ជួញដូរគ្រឿងញៀនមួយ ករណីដ៏ធំជាលទ្ធផល នៃកិច្ចប្រតិបត្តិការនេះយើងបានឃាត់ខ្លួនជនសង្ស័យចំនួនពីរនាក់ ជាជនជាតិចិន រួមជាមួយវត្ថុតាងគ្រឿងញៀន និងសារធាតុផ្សំកែច្នៃគ្រឿងញៀនសរុប 48,202,88 ក្រាមស្មើជាង៤៨គីឡូក្រាម នៅខណ្ឌទួលគោក៕
